Riksdag
Eus Wikipedia
Ar Riksdag (anvet en un doare ofisiel e svedeg: Sveriges Riksdag) eo parlamant Sveden. N'eus nemet ur gambr ouzh e ober, enni 349 c'hannad (anvet e svedeg riksdagsledamöter), dilennet evit pevar bloaz.
Emañ ar Riksdag war enezennig Helgeandsholmen, e-kreiz Stockholm.
Dont a ra an anv Riksdag eus an droienn riksens ständer (pe "rikets ständer", "stadoù ar rouantelezh"), a ra meneg eus ar "stadoù" a veze bodet enno dileuridi an tri urzh a oa e kevredigezh Sveden gwechall (noblañs, kloer hag ar re all). Kar eo ar ger Riksdag d'an anv alamanek Reichstag (implijet evit meur a barlamant alaman betek 1945).
Setu amañ ar strolladoù politikel o deus kannaded er Riksdag, abaoe votadeg miz Gwengolo 2010 :
| Strolladoù | Renerien | Sezioù | Mouezhioù |
|---|---|---|---|
| Socialdemokratiska Arbetarepartiet | Håkan Juholt | 112 | 30.66% |
| Moderata Samlingspartiet | Kentañ Ministr Fredrik Reinfeldt | 107 | 30.06% |
| Miljöpartiet de Gröna | Maria Wetterstrand ha Peter Eriksson | 25 | 7.34% |
| Folkpartiet Liberalerna | Jan Björklund | 24 | 7.06% |
| Centerpartiet | Maud Olofsson | 23 | 6.56% |
| Sverigedemokraterna | Jimmie Åkesson | 20 | 5.70% |
| Kristdemokraterna | Göran Hägglund | 19 | 5.60% |
| Vänsterpartiet | Lars Ohly | 19 | 5.60% |
| En holl | 349 | 98.58% | |
