Reun ar C'halan

Eus Wikipedia
Mont da : merdeiñ, klask
Reun ar C'halan
Anv ofisiel René Galand
Anv pluenn Reun ar C'halan
Obererezh Barzhonegoù ha danevelloù
Ganedigezh D'ar 27 a viz Genver 1923
e Kastell-Nevez-ar-Faou, Breizh Breizh
Yezh skrivañ Brezhoneg
Saozneg
Galleg
Enorioù Urzh ar Palmez Akademek e 1971
Priz Zavier Langleiz e 1979
Priz Imram e 2003

Ur barzh brezhonek hag ur c'helenner skol-veur war al lennegezh c'hallek eo Reun ar C'halan (René Galand hervez ar melestradurezh). Ganet eo e 1923 e Kastell-Nevez-ar-Faou (Penn-ar-Bed).

Buhez[kemmañ]

Ganet eo Reun ar C'halan d’ar 27 a viz Genver 1923 e Kastell-Nevez-ar-Faou (Penn-ar-Bed). E dud a oa labourerien-douar. Yaouankig e oa pa’z eas e dad da Stadoù Unanet Amerika, evel ma veze graet gant kalz a Vreizhiz eus ar c'horn-bro-se neuze. E vamm a yeas da-heul he gwazh un nebeud bloavezhioù war-lerc'h. E Breizh e chomas Reun ar C'halan, evel e c’hoar, o kenderc'hel gant e studioù. E pañsion e voe anezhañ el lise, e Kemper da gentañ hag e Brest da c’houde, pa voe e c’hoar er skolaj e Karaez hag e Kemperle. Tremen a raent ar vakañsoù er C’hastell-Nevez gant o zud-kozh. E vachelouriezh war ar matematikoù e tapas Reun ar C'halan e 1941, e Brest. Kenderc’hel a reas gant e studi e Roazhon goude, e-lec’h ma tapas ar vachelouriezh war ar prederouriezh e 1942, hag an aotreegezh war al lizhiri e 1944. Berzh a reas ivez er genstrivadeg evit mont da Skol an ofisourien e Koetkidan Sant-Sir. E dibenn 1942 e stagas da zaremprediñ ar Rezistanted evit reiñ harp d'an Harzerezh. Da-vare dilestradeg ar Gevredidi war aod Normandi e kemeras perzh en emgannoù evit dieubiñ ar Frañs. Anvet e voe aspirant e miz Here 1944, ha kaset da Skol ofisourien Cherchell en Aljeria. Goude-se e voe adstaliet ar skol e Koetkidan. Anvet e voe isletanant e miz Mezheven 1945, ha kaset da Alamagn da zerc’hel ar vro eno. E dibenn 1946 e roas e zilez eus an Arme hag e kuitas Bro-C'hall a-benn mont d'ar Stadoù Unanet e-lec’h m’edo e dud hag e c’hoar o chom. Neuze ez eas war e studioù e skol-veur Yale. Eno e tapas e zoktorelezh war ar galleg e 1952. Mont a reas da gelenner e 1951 e Wellesley College (Massachusetts) e-lec’h ma chomas betek 1993. E penn rann ar galleg e voe etre 1968 ha 1972. E Wellesley e roe kentelioù war al lennegezh c’hallek, dreist-holl hini an XIXvet hag an XIXvet kantved.

Arbennik eo Reun ar C'halan war ar skridvarnouriezh hag embannet en deus studiadennoù ha rentaoù-kont e-leizh diwar-benn ar skrivagnerien c’hall hag oc'h oberennoù, evel Chateaubriand, Ernest Renan, Alain Robbe-Grillet pe an OULIPO. Savet en deus ivez pennadoù diwar-benn skrivagnerien amerikan zo, e-giz Herman Melville, Thomas Stearns Eliot, Lovecraft, Jack Kerouac ha spagnolat, evel Jorge Guillén.

Ur skrivagner eus ar re wellañ eo Reun ar C’halan, ha savet en deus un oberenn vrezhonek fonnus : barzhonegoù (teir dastumadenn), danevelloù (un dastumadenn), ur buhezskrid (daou levr), kenkoulz ha pezhioù distag : barzhonegoù, danevelloù, pennadoù diwar-benn al lennegezh vrezhonek ha rentaoù-kont. Embannet eo bet ar re-mañ e levrioù a-stroll hag e kelaouennoù a bep seurt, evel Al Liamm da gentañ, Skrid, Poésie-Bretagne, Pobl Vreizh, Barr-Heol, Keltoi, Bro Nevez, Proceedings of the Harvard Celtic Colloquium, Keltica, World Literature Today. Kemeret en deus perzh e kendalc’hioù an Harvard Celtic Colloquium hag ar CSANA (Celtic Studies Association of North America). Lod eus e skridoù a zo bet troet hag embannet e yezhoù-all, ar re-mañ en o zouesk : galleg, saozneg, alamaneg, kembraeg, flandrezeg ha poloneg.

Prizioù[kemmañ]

Loreet e voe Marc’heg e Urzh ar Palmez Akademek e 1971 evit e labourioù war al lennegezh c’hallek. E 1979 e voe tapet gantañ Priz Zavier Langleiz, ha Priz Imram e 2003.

Oberennoù[kemmañ]

Ul lennadurezh klok a zo bet embannet er gelaouenn Al Liamm e miz Eost 2005, niverenn 351, p. 98-117.

Levrioù[kemmañ]

  • L’âme celtique de Renan, 1959
  • Baudelaire : poétiques et poésie, 1969
  • Saint-John Perse (e saozneg), 1972
  • Levr ar blanedenn, 1981
  • Klemmgan Breizh, 1985
  • Canevas : études sur la poésie française de Baudelaire à l’Oulipo, 1986
  • Lorc’h ar rouaned, 1989
  • Stratégie de la lecture, 1990
  • War hentoù an tremened, I-2002, II-2005
  • A-bell hag a-dost, 2009

Levrioù a-stroll[kemmañ]

  • Baudelaire as a love poet and other essays, 1969
  • Homosexualities and French literature, 1979
  • A critical bibliography of French literature, 1980
  • The binding of Proteus, 1980
  • Bretagne et pays celtiques. Mélanges offerts à la mémoire de Léon Fleuriot, 1982
  • Du ha Gwyn, 1985
  • Verhalen van de wereld, 1988
  • Homenaje a Justina de Conde, 1992
  • The new Princeton encyclopedia of poetry and poetics, 1993
  • Und suchte meine Zunge ab nach Worten, 1996
  • Writing the wind: a Celtic resurgence, 1997
  • Ik hab geen ander land, 1998
  • Breizh ha pobloù Europa : pennadoù en enor da Per Denez, 1999
  • Danevelloù divyezhek - Nouvelles bilingues, 2002

Pennadoù[kemmañ]

  • « T.S. Eliot and the impact of Baudelaire », Yale French Studies, levrenn 6 (1950), pp. 27-34
  • « Proust et Baudelaire », PMLA, Kerzu 1950, pp. 1011
  • « Renan savait il le breton? », Nouvelle Revue de Bretagne, Du-Kerzu 1952, pp. 44-47
  • « Four French Attitudes on Life: Montherlant, Malraux, Sartre, Camus », Bulletin of the New England MLA, C'hewrer 1953, pp. 9-15
  • « La genèse du thème celtique chez Renan », Nouvelle Revue de Bretagne, Mae-Mezheven 1953, pp. 166-176
  • « Trois lettres inédites de Renan », PMLA, Kerzu 1958, pp. 545-548
  • « La dimension sociale dans La Jalousie de Robbe Grillet », The French Review, Ebrel 1966, pp. 703-708
  • « Baudelaire et La Fontaine de Jouvence », Bulletin baudelairien, Eost 1966, pp. 1-7
  • « Une énigme baudelairienne », The Romanic Review, Ebrel 1967, pp. 77-82
  • « Rimbaud et la Dame aux camélias », Bulletin de la Société des Professeurs français en Amérique, 1967, pp. 45-46
  • « Baudelaire's Psychology of Play », The French Review, (Special issue), Goañv 1971), pp. 12-19
  • « La Vision de l'Inconscient chez Baudelaire », Symposium, Nevezamzer 1972, pp. 15-23
  • « A Prophet for our Times: Saint John Perse », The American Legion of Honor Magazine, levrenn 43 (1972), niv. 3, pp. 143-158
  • « En marge d'Éloges », The French Review, (Special issue), Nevezamzer 1973, pp. 112-119
  • « Baudelaire, poet of conjecture », The American Legion of Honor Magazine, levrenn 46 (1975), niv. 1, pp. 39-53
  • « Cocteau, or the poet as magician », The American Legion of Honor Magazine, levrenn 46 (1975), niv. 3, pp. 139-154
  • « Aesthetic Value and the Unconscious », Les Bonnes Feuilles, Hañv 1975, pp. 90-95
  • « Visite à Saint John Perse », The French Review, C'hwevrer 1976, pp. 401-404
  • « Poets and Politics: The Revival of Nationalism in Breton Poetry since World War I », World Literature Today, Nevezamzer 1980, pp. 218-222
  • « From Dada to the Computer », Dada/Surrealism, niv. 10-11 (1982), pp. 149-160
  • « The Breton Struggle for National Survival », Keltica, niv. 2 (1983), pp. 21-30
  • « Didactique du discours amoureux: le 'Mignonne ...' de Ronsard », Teaching Language Through Literature, levrenn XXIV (1985), niv. 2, pp. 15-26
  • « The Tragic Vision of Tangi Malmanche », World Literature Today (Hañv 1985), pp. 355-363
  • « Chateaubriand: le rocher de René », Romanic Review (Du 1986), pp. 330-342
  • « Stumm ha ster ar stourm speredel e Komzoù bev », Al Liamm, niv. 240 (1987)
  • « Microlecture de Giraudoux », The French Review, Meurzh 1987, pp. 497-501
  • « The Origins of Meven Mordiern's Celtic Calling », Proceedings of the Harvard Celtic Colloquium, levrenn V (1988), pp. 172-186
  • « Baudelaire devant les choses: profondeur ou surface? », Bulletin de la Société des Professeurs français en Amérique, 1987-88 (1989), pp. 67-79
  • « Modern Breton Fiction and the Emsav », Keltoi, levrenn 2 (1990), niv. 2, pp. 15-20
  • « The Ideological Significance of Emgann Kergidu », Proceedings of the Harvard Celtic Colloquium, levrennoù VI-VII (1990), pp. 47-68
  • « Baudelaire, Rimbaud, Verlaine, Mallarmé, Or The Imposture Of Poetry », in Justina. Homenage a Justina Ruiz de Conde (Erie: Alddeu, 1992), eds. Elena Gascón-Vera and Joy Renjilian-Burgy), pp. 45-58
  • « Oulipo », The New Princeton Encyclopedia of Poetry and Poetics (Princeton University Press, 1993) pp. 872-873
  • « Breton Poetry », The New Princeton Encyclopedia of Poetry and Poetics (Princeton University Press, 1993), pp. 146-147
  • « Giraudoux connaissait-il William T. Stead? », Revue de Littérature comparée, Ebrel-Mezheven 1993, pp. 233-242
  • « Le monstre des Feuillantines: une énigme hugolienne », Revue d'histoire littéraire de la France, Gwengolo-Here 1994, pp. 805-807
  • « Al lennegezh vrezhonek ha skridvarnouriezh an amzer-vremañ » : I. « Istor ha kealoniezh: Emgann Kergidu », Al Liamm, (Gwengolo-Here 1994), niv. 286, pp. 361-383 ; II. « Hennvoud ar reuzc'hoari e c'hoariva Tangi Malmanche », Al Liamm, (Du-Kerzu 1994), niv. 287, pp. 512-527 .; III. « Ar faltazi hag ar c'hoari e buhezskridoù Meven Mordiern », Al Liamm, (Genver-C'hwevrer 1995), niv. 288, pp. 38-51
  • « An oberenn lennegel hag an Emsav », Al Liamm (Meurzh-Ebrel 1995), niv. 289, pp. 154-158
  • « An ad ludendumne an ad scribendum: skrivañ=c'hoari? », Al Liamm (Mae-Eost 1995), niv. 290-291, pp. 252-265
  • « Ar spered broadel ha lennegezh vrezhonek an amzer-vremañ », Al Liamm (Du-Kerzu 1995), niv. 293, pp. 454-484
  • « Galvedigezh keltiek Meven Mordiern », Al Liamm (Genver-C'hwevrer 1996), niv. 294, pp. 22-49
  • « Orin ar simbol », Al Liamm (Genver-C'hwevrer 1996), niv. 294, pp. 66-67
  • « Mojenn », (Barzhoneg) Al Liamm (Meurzh-Ebrel 1996), niv. 295, p. 104
  • « Selladoù ouzh buhez an Emsav. Lizhiri Frañsez Vallée: 1916-1939 », Al Liamm (Mae-Eost 1996), niv. 296-297, pp. 243-263; (Sept.-Oct. 1996), niv. 298, pp. 360-381
  • « Meven Mordiern hag impalaerouriezh Bro-C'hall. I. Aloubidigezh Aljeria; II. Brezel ar Meksik », Al Liamm, (Genver-C'hwevrer 1997), niv. 300, pp. 59-78; (Meurzh-Ebrel 1997), niv. 301, pp. 162-190
  • « Jack Kerouac: touelloù ha disouezhadennoù », Al Liamm, niv. 305 (Du-Kerzu 1997), pp. 518-548
  • « E koun André Pieyre de Mandiargues », Al Liamm, niv. 306 (Genver-C'hwevrer 1998), pp. 15-25
  • « Jorge Guillén, barzh ar Boud », Al Liamm, niv. 307 (Meurzh-Ebrel 1998), pp. 152-163
  • « Me gloazet Howard Phillips Lovecraft », Al Liamm, niv. 312 (Genver-C’hwevrer 1999), pp. 9-32
  • « Baudelaire, diouganer an arz nevez », Al Liamm, niv. 316 (Gwengolo-Here 1999), pp. 62-70)
  • « Ar Varzhed Touellet: Baudelaire, Mallarmé, Verlaine, Rimbaud », Al Liamm, niv. 322 (Gwengolo-Here 2000), pp. 53-77
  • « Evezhiadennoù diwar-benn Nozvezh Arkuzh e beg an Enezenn », Al Liamm, niv. 324 (C’hwevrer 2001), pp. 83-89
  • « Saint-John Perse, barzh an Hollved », Al Liamm, niv. 329 (Kerzu 2001), pp.68-87
  • « Cocteau hag an Doueed », Al Liamm, niv.334 (Here 2002), pp.45-56
  • « Renan hag ar brezhoneg », Al Liamm, niv. 335 (Kerzu 2002), pp. 83-89
  • « Un diaraoger amerikan d'an Diveiz: Herman Melville (1819-1891) », Al Liamm, niv. 350 (Mezheven 2005), pp.37-53
  • « Ur skouarn evit Van Gogh », Al Liamm, niv. 352 (Here 2005)
  • « Ur Samaritan mat », Al Liamm, niv. 353 (Kerzu 2005)
  • « An digelienner », Al Liamm, niv. 355 (Ebrel 2006)
  • « Lizher eus ar vered », Al Liamm, niv. 356 (Mezheven 2006).

Barzhonegoù distag[kemmañ]

  • Serr noz er gouelec'h, Al Liamm, no 215 (1982), p. 331
  • Ar Steredenn du, Al Liamm, no 216 (1983), pp. 6 7
  • Eneoù 'zo, Al Liamm, no 258 (1990), p. 3
  • Pedenn, Al Liamm, no 284-285 (1994), pp. 193-194

Levrlennadur[kemmañ]

  • Embannet eo bet roll e oberennoù er gelaouenn Al Liamm, miz Eost 2005, niv. 351, p. 98-117.

Pennadoù ha rentaoù-kont diwar-benn Reun ar C’halan :

  • Symposium, Fall 1963, 235-236;
  • Revue d’Histoire Littéraire de la France, Meurzh-Ebrel 1972, 332-333, Genver-C'hwevrer 1976, 141 ; Meurzh-Ebrel 1988 ;
  • Modern Language Notes, levr. 89 (1974), 761-762;
  • Revue des Sciences Humaines, niv. 1 (1974), 182-183 ;
  • Etudes baudelairiennes, niv. VIII, 1976, 288-289 ;
  • World Literature Today, Nevezamzer 1981, Hañv 1985, Nevezamzer 1987;
  • T. R. Crowe, Writing the Wind : A Celtic Resurgence (1979), 106-109 ;
  • Gohier ha Huon, Dictionnaire des écrivains d’aujourd’hui en Bretagne, 1980;
  • Le Peuple breton, niv. 194 (1980), 29 ;
  • Breizh, niv. 253 (1980), 18-19, no 276 (1982) ;
  • Brud Nevez, niv. 47 (1981), 42 ;
  • Dalc’homp soñj, niv. 12 (1985), 18;
  • Bremañ, niv. 100 (1990);
  • Bro Nevez, C'hwevrer 1990 ;
  • J. T. Koch, Celtic Culture: a historical encyclopedia (2006), 78.