Ramzed Hellaz

Eus Wikipedia
Mont da : merdeiñ, klask

Ar Ramzed zo krouadurioù bras ha kreñv hag o devoa klasket sevel a-enep doueed an Olimp e mojennoù kozh Hellaz.

Daou rumm zo anezho, ha ret diwall d'o c'hemmeskañ.

  • re ar remzi kentañ, mibion da C'haia,
  • ar re deuet diwezhatoc'h.
Dionysos oc'h emgannañ gant ur Ramz e-kerzh ar Brezel ar Ramzed, pélikè attek gant dremmoù ruz, war-dro 460 kent JK, Mirdi al Louvre (Pariz)

O anv[kemmañ]

O anv e gregach gigantès pe gegeneis a dalv « ganet eus an Douar ».

Ar remziad kentañ[kemmañ]

Ramzed an amzerioù koshañ a zo bugale da Ouranos (an Oabl) ha da c'h-Gaia (an Douar). Ganet e oent, gant o breudeur ha c'hoarezed all Erinied ha Meliadezed pa voe troc'het kalc'h Ouranos ha pa gouezhas e wad war Gaïa (an Douar).

Hervez un doare all e vijent bet krouet gant Gaia hec'h-unan, evit kaout an digoll war-lerc'h an dichekadenn graet d'he mibion e-kerzh Brezel an Ditaned.

Hervez un trede doare e oant mibien da d- Tartar.

Gouez da Hesiodes e oant ganet e Flegra pe e Pallène. Divalav eo o dremm, ha kant brec'h zo dezho, hag ul lost naer e penn pep gar.

Ouzhpenn-se n'hallent ket bezañ lazhet gant doue ebet.

Delwenn ur Ramz e kastell Versailhez

Setu anvioù un toullad anezho :

N'eus ket nemeur a gaoz anezho er mojennoù nemet e mojenn ar stourm ouzh ar Ramzed, ma reont brezel ouzh an doueed.

Ramzed arall[kemmañ]