Rahel

Jakob ha Rachel ouzh ar puñs, livet gant William Dyce, XIXvet kantved.

Rachel a guzh an idolennoù ouzh Laban, livet gant Giovanni Battista Tiepolo, XVIIIvet kantved, eskopti Udine.

Rachel, dre fazi ha dre levezon ar galleg ( רחל en hebreeg, ‘dañvadez’), pe gentoc'h Rac'hel pe Rahel, zo ur vaouez e Levr ar C'heneliezh, er Bibl. Merc'h e oa da Laban, ha c'hoar vihan da Lea, gwreg Jakob, hag eñ a oa kenderv dezho o-div ouzhpenn.
Eil gwreg Jakob e oa Rachel, ha mamm da Jozeb ha Benjamin.

Er Bibl

Rac'hel eo an den kentañ eus he ziegezh a gav Jakob e-tal ur puñs pan erru e Harran. Pa wel Jakob ar plac'h gant he loened, loened he zad Laban, e tenn eviti ar maen a c'holo ar puñs ma c'hallo he zropell evañ. Hag eñ kontañ eo kar d'he zad, penegwir eo mab da Rebekka, a zo c'hoar da Laban. Ha Rac'hel d'ar red da gontañ d'he zad. Pa glev Laban emañ e niz Jakob er vro e teu d'an daoulamm d'e vriata hag e tegemer anezhañ en e di.

Goude bet seizh vloaz o labourat e ti Laban ha dimeziñ d'ar verc'h henañ Lea, e timezas Jakob da Rachel, met gaonac'h e oa anezhi. Rac'hel neuze, gwarizi enni abalamour da frouezhusted he c'hoar, a raio da da Jakob dimeziñ d'he matezh Bilha.

A-benn ar fin e c'hano Rac'hel daou vab : Jozef ha Benoni (pe Benjamin), ha mervel a reas-hi ouzh e c'henel, e Betleem, ma teu pirc'hirined da bediñ war bez Rac'hel.

Kartoù

Hi eo an damez karo a lenner hec'h anv war ar c'hartoù-c'hoari gall.

Pennad kar

• Rachel

Livadurioù ha skeudennoù

• 
  Rahel ha Jakob, hervez Palma il Vecchio
• 
  Rachel, hervez Gustave Doré
• 
  Rahel ha Lia, gant Dante Gabriel Rossetti
• 
  Damez karo gall, Rachel skrivet er c'horn.