Priz Franz Kafka

Franz Kafka

Priz Franz Kafka a zo ur priz lennegel etrebroadel bet ijinet da enoriñ ar skrivagner tchek Franz Kafka. Kinniget eo gant Kevredigezh Franz Kafka (tchekeg : Spolecnost Franze Kafky) ha kêr Praha. Roet e vez ar priz da zibenn miz Here e ti-kêr kozh Praha. Ar skrivagner loreet a resev $10 000, un diplom hag un delwennig arem. E-touez arouezioù-barn ar priz e kaver perzh denelour al levr, ar fed e sikourfe an doujañs a-zivout sevenadur, yezh ha relijion hag ar fed e vefe un testeni eus an amzer vremañ. N'eus liamm ebet etre ar priz-mañ hag an hini anvet Janet Heidiger Kafka Prize a vez roet gant skol-veur Rochester er Stadoù-Unanet.

Loreidi

Bloavezh	Loread	Skeudenn	Bro
2010	Václav Havel		Republik Tchek
2009	Peter Handke		Aostria
2008	Arnošt Lustig		Republik Tchek
2007	Yves Bonnefoy		Bro-C'hall
2006	Haruki Murakami		Japan
2005	Harold Pinter		Rouantelezh Unanet
2004	Elfriede Jelinek		Aostria
2003	Péter Nádas		Hungaria
2002	Ivan Klíma		Republik Tchek
2001	Philip Roth		SUA