Priñselezh Teodoros

Eus Wikipedia
Mont da : merdeiñ, klask
Caffa and Theodoro.PNG

Priñselezh Teodoros (Gresianeg Θεοδόρο), Gothia (Gresianeg Γοτθία) a oa ur riez vihan e mervent Krimea etre an XIIvet kantved hag ar XVvet kantved. Doros (Mangup hiziv) a oa e gêrbenn. Gant Impalaeriezh Trebizond e oa kevreet en un doare start. Ar familh roueel, liammet dre euredoù gant tiegezh ar Megaloi Komnenoi, a oa anvet Gabras e gresianeg pe Chowra e turkeg. Armeniat e oa a orin, war a seblant, hag ur skourr eus ar familh a zivroas da Voskov e diwezh ar XIVvet kantved. Eno e tiazezjont ar manati Simonov. An tiegezh Khovrin, evel ma oa anvet neuze, a oa en he c'herz ar garg teñzorer Moskovia dre hêrezh. O anv a gemmjont da C'holovin er XVIvet kantved.

E miz Mae 1475 e oa kemeret Kafa gant Gedik Ahmet Pasha. Sezizañ a ra Mangup hag e fin ar bloaz, goude pemp miz seziz, e kouezhas ar gêr. Dibennet e oa ar priñs diwezhañ ha da Harem ar Sultan e voe kaset e wreg hag e verc'h. Tra ma chome ar pep brasañ eus Krimea dindan Khanad Krimea, a oa he deut rener da vezañ gwaz an Ottomaned, douaroù Theodoro ha kreisteiz Krimea a oa meret war-eeun gant an Nor Zreist.

Priñsed Teodoros[kemmañ]