Post-ar-vezh

Eus Wikipedia
Mont da : merdeiñ, klask
Post ar vezh Barcelos, e Portugal.
Post ar vezh e Braine-le-Château, Brabant Wallon, Belgia.
Ur feunteun a guzh hiziv e Mons (Belgia) pezh a oa ur post ar vezh gwechall.
Post ar vezh e Gaasbeek, Brabant Flandrez, Belgia.
Post ar vezh, e Charing Cross, e Londrez, war-dro 1808.

Post-ar-vezh, pe post-an-dalc'h, pe post-ar-c'holier, a oa ur post, e koad pe e maen, savet e-kreiz ur gêr, hag a veze staget outañ an dud kondaonet gant al lez-varn evit ober dezho ur vezhekadenn dirak ar bobl. Gallout a rae an den kondaonet chom stag aze pe un nebeud eurvezhioù hepken, pe meur a zevezh, dindan ar seizh amzer.


Peurvuiañ e veze taolet legumaj brein, loened marv pe mein, d'an dud diskouezet evel-se. A-wechoù e varvent gant an taolioù plantet gant an dremenerien, dreist-holl ma vezent tamallet da vezañ muntrerien griz.

Hiriv c'hoazh e weler darn anezho, graet e mein, e kêrioù zo en Europa.

Istor[kemmañ]

Meneget eo bet postoù ar vezh e meur a vro e-kreiz ar Grennamzer.

Kelc'henn wanañ[kemmañ]

A-lies e veze graet gant un doare bihanoc'h, plenk a veze lakaet en-dro da zaouarn pe divc'har an den kondaonet, ur gelc'henn goad anvet kelc'henn-wanañ.

Ur skrivagner meur staget ouzh post ar vezh[kemmañ]

Lakaet e oa bet Daniel Defoe, oberour Robinson Crusoe, ouzh post ar vezh e Charing Cross abalamour d'e flemmskrid, "The shortest Way with the Dissenters" (Penaos ober gant an eneberien ar buanañ ma c'heller), ma kinnige lazhañ an dud na oant ket a-du gant ar gouarnamant. Bleunioù a voe taolet dezhañ gant ar bobl.

Maouezed staget ouzh post ar vezh[kemmañ]

E-touez ar maouezed staget ouzh post ar vezh e c'haller menegiñ Magdalena Rudenschöld, ur vaouez a Sveden, en XVIIIvet kanved.


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.