Pondi

Kumunioù Breizh
Pondi
Departamant	Mor-Bihan
Bro hengounel	Bro Gwened
Arondisamant	Arondisamant Pondi
Etrekumuniezh	Kumuniezh kumunioù Bro Pondi
Bro 'Voynet'	Bro Pondi
Pastell-vro votiñ
Kanton	Kanton Pondi (pennlec'h)
Kod INSEE	56178
Kod post	56300
Maer Amzer gefridi	Jean-Pierre Le Roch 2008-2014
Gorread	619 ha = 6 2 km²
Hed ha led	48° 04′ Norzh 2° 59′ Kornôg
Uhelder	keitat : 60 m bihanañ : 48 m brasañ : 192 m
Poblañs hep kontoù doubl	13 518 (2006)
Stankter	war-dro 544

Pondi, pe Pondivi, a zo ur gumun hag ur gêr e departamant ar Mor-Bihan e Breizh. Anv melestradurel evit poent : Pontivy.

Istor

VII^vet kantved

Hervez ar richenn e oa bet krouet Pondi gant ar manac'h sant Ivi er VII^vet kantved.

XVIII^vet kantved

• Emsavadeg ar Bonedoù ruz e 1675: digolloù a voe paeet gant parrezioù Noal-Pondi (8 000 Lur), Malgeneg (1 500 lur), Stival (500 lur) ha Bizhui-an-Dour (400 lur) d'an Aotrou de la Pierre ha da tud all eus Pontivi goude an distrujoù bet graet e kêr e-pad an emsavadeg.

Dispac'h Gall

Gant lezenn an 23 a viz Eost 1790 e voe lakaet Pondi da benn ur bann, eizh kanton ennañ: Kanton Baod, Bizhui-an-Dour, ar Gemene, Klegereg, Logunec'h, Noal-Pondi, Pluniav ha hini Pondi.

XIX^vet kantved

• D'an 9 a viz Du 1804 e oa anvet Pondi "Napoléonville" war urzh an diktatour ha danvez-impalaer Napoleone Buonaparte. Hennezh a soñje gantañ e oa Pondi ur gêr a c'hellje bezañ pouezus-tre ma vije kleuzet kanolioù evit al listri-brezel a c'hellfe treuziñ Breizh pell diouzh re ar Saozon a oa mistri war ar mor : kanol ar Blavezh ha kanol Naoned-Brest.
  Krouet e oa bet diouzhtu ur c'harter nevez gant ur blasenn-armoù, un isprefeti, ur c'hazarn hag ul lise.
• 1864: tizhet eo Pondi gant an hent-houarn.

XX^vet kantved

Eil Brezel-bed

• Tremen 3 000 repuad deuet eus hanternoz Bro-C'hall a oa e Pondi e miz Even 1940 .
• D'an 18 a viz Even 1940 e tegouezh al lu alaman e Pondi

.

• Pondi a zo dieubet d'ar 4 a viz Eost 1944 .
• D'an 23 a viz Mae 1945 e voe kavet korfoù marv tri den eus ar gumun e-tal gwitadell Porzh-Loeiz. Er Rezistañs e oant; fuzuilhet e oant bet gant al lu alaman .

Brezhoneg

Ya d'ar brezhoneg

• D'ar 4 a viz Eost 2004 e oa bet votet ar garta Ya d'ar brezhoneg gant kuzul-kêr ar gumun.
• D'an 21 a viz Kerzu 2007 e oa bet roet d'ar gumun al label Ya d'ar brezhoneg live 2.

Deskadurezh

• Klasoù divyezhek a zo eno abaoe 1984.
• E distro-skol 2009 e oa enskrivet er skolioù divyezhek 11,2% eus bugale ar gumun evit a sell ouzh ar c'hentañ derez ha 1,5% er skolaj.[1]
• E distro-skol 2010 e oa enskrivet er skol Diwan hag er c'hlasoù divyezhek 182 skoliad (10,1% eus skolidi ar gumun evit a sell ouzh ar c'hentañ derez), 18vet kêr e Breizh pemp departamant e 2009-2010. [2]

Monumantoù ha traoù heverk

Kastell Pondi

Ar Gwenn-ha-Du dirak Kastell Pondi

• Kastell ar Roc'haned
• Kastell ar Gêr nevez
• Iliz Itron Varia ar Joa, XVI^vet kantved
• Iliz Sant Meriadeg, e kêriadenn Stival, XVI^vet kantved
• Chapel ar Gelenneg
• Chapel Santez-Trefin
• Karterioù kozh gant tiez XVvet-XVIvet-XVIIvet kantved
• Porzh

Tud vrudet

Tud bet ganet eno

• Ferdinand Le Drogo, marc'hhouarner breizhat, kampion Bro-C'hall e 1927 ha 1928, 10 a viz Here 1903.

Douaroniezh

Ar Blavezh e Pondi

Treuzet eo Pondi gant ar stêr Blavezh.

Emdroadur ar boblañs 1793-2007

Redadeg 2010

Sonadeg ha kerzhadeg e dibenn ar Redadeg

E miz Mae 2010 e echue ar Redadeg e Pondi.

Gevelliñ

• Tavistock (Bro-Saoz, Devon)
• Wesseling (Alamagn, Nordrhein-Westfalen)
• Napoleonville (Stadoù-Unanet, Louisiana)
• Ouelessebougou (Mali)

Liammoù diavaez

• (br) (fr) Lec'hienn ofisiel Ti-Kêr Pondivi
• (fr) Pontivy Cite Internationale
• (br) Pondi war lec'hienn Geobreizh

• Portal Internet 27 kevarzhe e Pondi