Pok

Diwar Wikipedia, an holloueziadur digor

Mont da : merdeiñ, klask
Romeo and Juliet livet gant Frank Dicksee.
Izold o pokat da Dristan war e dremenvan.


Ur pok a zo ur stokadenn graet gant diweuz un den ouzh un dra all, da ziskouez karantez peurvuiañ, pe doujañs, mignoniezh pe c'hoant.

Taolenn

[kemmañ] Pokat ouzh tud

Meur a seurt pokoù zo, hervez an doare-ober, gant muzelloù stardet pe gant muzelloù digor, hervez al lec'h ma lakaer an diweuz, war ar jod pe war ar reizh, hervez an dud a boker dezho, serc'h pe kerent.

[kemmañ] Pokat ouzh traoù

Tud zo a bok da skeudennoù, delwennoù, mein, douar. Un emzalc'h relijiel e c'hall bezañ, pe neuze oberoù awenet gant treuzkredennoù.

[kemmañ] Bevoniezh

Pokoù etre daou loen, amañ chas ar bradeg.

Dizemglev zo etre an denoniourien da c'houzout pe un ober desket pe un emzalc'h naturel eo pokat. Pokat a c'hall kas da oberoù reizhel.

Gant pokat e c'hall an danvez embaridi c'hwesa ha blasa feromenoù.

Chas, kizhier, ezen [1] , evned, ha loened all c'hoazh, a en em lip an eil egile, pe a lip tud a-wechoù. Hervez skiantourien zo eo kar an ober-se da bokat.


[kemmañ] Pok ha korfadurezh

Krennardez o pokat d'ur c'hrennard war e jod.

Pa vezer o pokat e lakaer kalz a gigennoù da labourat: 34 c'higenn eus an dremm, ha 112 all. [2][3] Evit pokoù zo e implijer an teod (French kiss ar saoznegerien). Hennezh a vez graet ar pok martolod anezhañ a-wechoù.

[kemmañ] Tapout kleñvedoù

Kleñvedoù zo a vez tapet ivez dre bokat d'an dud, pa vez ar viruzoù en halv: mononukleoz, herpes, met HIV n'haller ket, goude ma vije c'hoarvezet ur wech, e 1997 met abalamour e oa gwad en halv an hini e oa .[4]


[kemmañ] Pokat, er sevenadur kornogat

Pokat a rae an danvez-pried da zorn he hini muiañ-karet pa zaouline d'he goulenn da zimeziñ, e ti an dud uhel. Skeudenn war-dro 1815.
Pokat a vez graet d'an diweuz da ziskouez karantez.
Daou baotr o pokat an eil d'egile.

Ur merk a hoal hag a zoug karantezus eo ar pokoù . E sevenadur ar c'hornôg hiziv e c'hall bezañ ur merk a vignoniezh ivez etre trud a en em anavez hag a bok an eil d'egile d'en em saludiñ.[5] Kement-se a vez graetetre skolidi eus ar memes skol, etre tud er memes labour da skouer.


[kemmañ] Pokat e-maez ar bed kornôk

Skrivet e vez a-wechoù n'eo ket an holl dud war an douar a ra pokoù .[6] Er c'hreisteiz d'ar Sahara , en Azia, e Polinezia, e-touez Indianed Amerika, ne oa ket anavezet ar pokoù ken na oa bet degaset ar c'hiz gant tud Europa.[7]


[kemmañ] Pokat er relijion

Ur c'hiz e oa pokat da vizied-trid ar pab, hervez ar c'hoadengravadur-mañ er Passionary of the Christ and Antichrist gant Cranach.
  • Muzulmiz a bok d'ar Maen Du e-kerzh an Hajj, an droiad-pirc'hirinañ (da v-Mecca).
  • Ar pok a beoc'h, a vez graet el liderezh kristen,
  • Gwelet e vez ar pab a-wechoù o pokat d'an douar pa zegouezh en ur vro.
  • Pokat da droad ar pab a ra e weladennerien .
  • E broioù zo e poker da walenn ur c'hardinal pe un eskob, da zorn ur beleg.
  • Ar Yuzevien a bok
  • kristenien reizhkredennek a bok d'an ikonoù, d'ar groaz, da zorn ar beleg,
  • katoliked a bok d'ar chapeled, d'o dorn goude ober sin ar groaz, da c'hloazoù Jezuz war ar groaz, pe da skeudennoù all eus ar Basion;
  • Hindouiz a bok da zouar o zemploù.

[kemmañ] Pokoù brudet

Judaz o pokat da Jezuz ( Darn eus un izelvos gant Giotto di Bondone, Capilla degli Scrovegni, Padua, 1304-1306)

[kemmañ] Ar pokoù er yezh

  • Ar pok trouz a strak war an divjod
  • Ar pokoù c'hwek, pe tomm, a vez roet war ar genoù, evel ar pok martolod, pe ar pok penn-da-benn.
  • Ar pok Spagn: reiñ ur pok Spagn d'ur vaouez zo kement hag he lakaat brazez.
  • Bezañ pok-ha-pok: atav o pokat an eil d'egile; alies ivez bezañ stok-ha-stok.
  • Pok d'an dorn
  • Pok kloz
  • Pok eskimo

[kemmañ] Pennadoù kar

[kemmañ] Notennoù

  1. ↑ Hervez al lavar latin Asinus asinum fricat
  2. ↑ Adrienne Blue (1996-06-01). "The kiss", The Independent (London). Retrieved on 2008-08-29. 
  3. ↑ Roger Highfield (2006-10-17). "Seal with..146 muscles", The Telegraph. Retrieved on 2008-08-29. 
  4. ↑ [http://query.nytimes.com/gst/fullpage.html?res=9D07EFD91139F932A25754C0A961958260 Case of H.I.V. Transmission Is First to Be Linked to Kiss - New York Times
  5. ↑ Larry James (2008-03-04). "The Romantic Kiss", The Zambian Chronicle. Retrieved on 2008-08-29. 
  6. ↑ [http://www.sciam.com/article.cfm?id=affairs-of-the-lips-why-we-kiss&page=4 Affairs of the Lips: Why We Kiss: Scientific American
  7. ↑ Patrom:Citeweb

[kemmañ] Lennadurezh

[kemmañ] Liammoù diavaez

Commons
Dafar ouzhpenn a vo kavet e-barzh Kerandafar
Adtapet diwar "http://br.wikipedia.org/wiki/Pok"