Plymouth (Bro-Saoz)

██ Lec'hiadur Plymouth

The Hoe

Kartenn alaman eus Plymouth e 1888

Plymouth ([ˈplɪməθ] e saozneg) zo ur porzh bras e Bro-Saoz e kontelezh Devon, war harzoù reter Kerne-Veur. Brudet eo evel porzh-brezel dreist-holl, dre m'eo HMNB Devonport (His Majesty's Naval Base e Devonport), an hini brasañ en Europa ar C'hornaoueg.

Gerdarzh

Dont a ra anv kêr eus anv ar stêr Plym hag eus mouth (genoù). Aberplymm eo an anv e kerneveureg.

Douaroniezh

Emañ Plymouth etre ar stêr Tamer er c'hornôg hag ar stêr Plym er reter, en ur pleg-mor a ra anezhi unan eus brasañ perzhier naturel er bed. Se zo kaoz e oa ur goudor eus ar c'hentañ evit ar morlu saoz.

Istor

Eus Plymouth e tivroas an dud anvet pilgrims (pirc'hirined) da Amerika e 1620 war al lestr Mayflower, hag eno e voe savet trevadenn Plymouth gante ha kêr Plymouth, e Massachusetts.

Statud

Abaoe ar 1añ a viz Ebrel 1998 ez eo Plymouth un aotrouniezh unvan disrannet diouzh kontelezh velestradurel Devon, daoust dezhi chom en he c'hontelezh lidel, e Bro-Saoz.

Treuzdougen

Ul linenn karrlistri zo etre Plymouth ha Rosko, hag ul linenn arall etre Plymouth ha Santander (Spagn).

Kêrioù gevellet

• 1963 : Brest, Breizh
• 1976 : Gdynia,  Polonia
• 1990 : Novorossiysk, Rusia • Donostia, Euskal Herria
• 2001 : Plymouth, Massachusetts, Stadoù-Unanet

Darempred zo ivez gant :

• Sekondi-Takoradi,  Ghana

Liammoù diavaez

• (en) Lec'hienn ofisiel Plymouth