Pierre Bellemare

Eus Wikipedia
Mont da : merdeiñ, klask

Skrivagner, lusker ha produer war ar c'hleweled eo Pierre Bellemare.

Pierre Bellemare e Saloñ al levrioù e Pariz e 2007

E vuhez[kemmañ]

Ganet eo Pierre Bellemare an 21 a viz Here 1929 e Boulogne-Billancourt. E dad a werzhe levrioù war an arz. Kroget e oa Pierre Bellemare da labourat abred. Da 18 bloaz e krog da labourat gant Pierre Hiegel, e vreur-kaer, en ur gevredigezh prevez anvet Radio Service. Dont a ra da vezañ merour ha kempenner gwagennoù da c'houde. E 1954, ur bloavezh a-bouez evitañ, e kej gant Jacques Antoine, hag a zeuio da vezañ ur mignon bras dezhañ. Krouiñ a reont un abadenn anvet Télé-Match. Er bloavezh-se end-eeun, goude bezañ bet labouret e radio Luxembourg, ez a da Europe n°1 ma lusko Vous êtes formidables. An abadenn-se he deus servijet da reiñ sikour d'an dud dilojeiz, mare an abad Pierre ha drast frejus e oa.

Sevel a reas abadennoù all goude-se, La Tête et les jambes e 1960, ar C'h/Camera invisible e 1964 kinniget gant Jaques Rouland. Ur skipailh a c'hano diwar-se, enni: Jean-Paul Rouland, Harold Kay ha Jean-Marc Epinoux. Abadennoù a zeuio da c'houde: Pas une seconde à perdre, Histoires vraies, 20 millions cash, Le Sisco, Le Tricolore, Pièces à conviction, Les Paris de TF1, La Grande Corbeille... E-pad e vuhez en do savet ha produet abadennoù evit an ORTF, Antenne 2, TF1, FR3, M6, ar chadennoù dre fun... Pierre Bellemare a "gont istorioù" digustum e-pad e abadennoù war ar radio. Labouret en deus gant kazetennerien ha skrivagnerien evel Marie-Thérèse Cunny. Embannet en deus 40 levr hag a gont istorioù dreistordinal: C’est arrivé un jour, Suspens, L'Année criminelle, Les Amants diaboliques, Les Dossiers d’Interpol, Histoires vraies... Adalek 1969 betek 1986, e-pad 17 bloaz, produet ha lusket en deus abadenn kreiseiz Europe 1. Dont a raio da vezañ renner-meur Europe 1 e-pad ur bloavezh, met dilez a raio e bost, kavout a reas gwelloc'h labourat en ur skipailh unanet.

E 1987 e krou Le magazine de l'objet (a zeuio da vezañ Téléshopping da c'houde) a gemer skouer war ur meizad Amerikan skignet war TF1. Krouiñ a ra er memes mare ar gevredigezh Home Shopping Service. E 1988, a drugarez da chadennoù prevez nevez ganet, e produ M6 Boutique. E-pad ma kinnige ar C'h/Club télé-achat war Paris Première e krouas e 1998 ar chadenn gouestlet d'an télé-achat nemetken skignet e vez ar chadenn-se eus Bro Belgia. Ar 4 a viz Gwengolo 2005, e krogas da ginnig Les enquêtes impossibles skignet war RTL9, bep sadorn noz da 7e20, betek 2006. En abadenn-se e veze kontet istorioù kevrinus hag iskis, treuzkaset eo bet an abadenn war ar chadenn NT1 gant Pierre Bellemare o kinnig bepred. Mab Pierre Bellemare, anvet Pierre Dhostel, a zo lusker war M6 Boutique, dre m'en deus ar memes anv hag ar memes raganv hag e zad, en deus kemeret anv e vamm: Dhostel.

Oberennoù[kemmañ]

Romantoù[kemmañ]

  • La Fourmilière, gant Grégory Frank (Éditions n° 1, 1987)
  • Nul ne sait qui nous sommes, gant Grégory Frank (Albin Michel, 2007)

Danevell[kemmañ]

  • Histoire d'une petite vallée qui peut-être n'existe plus, gant Jacques Floran (Stock / Éditions n° 1, 1978)

Dastummadennoù istorioù gwirion[kemmañ]

  • Les Dossiers extraordinaires (Fayard, 1976)
  • Les Nouveaux dossiers extraordinaires (Fayard, 1977)
  • Les Aventuriers (Fayard, 1978)
  • Les Aventuriers, nouvelle série (Fayard, 1978)
  • Les Dossiers d'Interpol, vol. 1 (Éditions n° 1, 1979)
  • Les Dossiers d'Interpol, vol. 2 (Éditions n° 1, 1979)
  • C'est arrivé un jour vol.2 (Édition n° 1 , 1980)
  • Histoires vraies, vol. 1 (Éditions n° 1, 1980)
  • Histoires vraies, vol. 2 (Éditions n° 1, 1982)
  • Quand les femmes tuent (Éditions n° 1, 1983)
  • Suspens vol.2 (Éditions n°1, 1983)
  • Les Grands crimes de l'Histoire (Éditions n° 1, 1984)
  • Dossiers secrets (Éditions n° 1, 1984)
  • Les Tueurs diaboliques (Éditions n° 1, 1985)
  • Au nom de l'amour : 59 histoires de passion (Éditions n° 1, 1985)
  • Les Assassins sont parmi nous (Éditions n° 1, 1986)
  • Marqués par la gloire : 23 destins exceptionnels (Éditions n° 1, 1986)
  • Histoires chocs (Éditions n° 1, 1987)
  • Par tous les moyens : 38 histoires bouleversantes de sauvetages (Éditions n° 1, 1988)
  • Les Crimes passionnels : 50 histoires vraies (TF1 éditions, 1989)
  • Nuits d'angoisse : 50 histoires vraies (TF1 éditions, 1990)
  • Les Dossiers incroyables (Éditions n° 1, 1990)
  • La Peur derrière la porte (TF1 éditions, 1991)
  • Crimes de sang (TF1 éditions, 1991)
  • L'Année criminelle : les 80 histoires extraordinaires de l'année (TF1 éditions, 1992)
  • l'année criminelle 2:les 80 histoires extraordinaires de l'année (tf1 éditions 1993)
  • Instinct mortel : 70 histoires vraies (Albin Michel-TF1 éditions, 1994)
  • Les Génies de l'arnaque : 80 chefs-d'oeuvre de l'escroquerie (Albin Michel, 1994)
  • Instant crucial : les stupéfiants rendez-vous du hasard (Albin Michel, 1995)
  • Issue fatale : 75 histoires extraordinaires (Albin Michel, 1996)
  • Possession : l'étrange destin des choses (Albin Michel, 1996)
  • Le Carrefour des angoisses (Les Aventuriers du XXe siècle, tome 1) : 60 récits où la vie ne tient qu'à un fil (Albin Michel, 1997)
  • Ils ont vu l'au-delà (Les Aventuriers du XXe siècle, tome 2) : 60 histoires vraies et pourtant incroyables (Albin Michel, 1997)
  • Journées d'enfer (Les Aventuriers du XXe siècle, tome 3) : 60 récits des tréfonds de l'horreur au sommet du sacrifice (Albin Michel, 1998)
  • L'Enfant criminel (Albin Michel, 1998)
  • Les Amants diaboliques : 55 récits passionnément mortels (Albin Michel, 1999)
  • L'Empreinte de la bête : 50 histoires où l'animal a le premier rôle (Albin Michel, 2000)
  • Survivront-ils ? : 45 suspenses où la vie se joue à pile ou face (Albin Michel, 2001)
  • Je me vengerai : 40 rancunes mortelles (Albin Michel, 2001)
  • Sans laisser d'adresse : enquête sur des disparitions et des réapparitions extrardinaires (Albin Michel, 2002)
  • Destins sur ordonnance : 40 histoires où la médecine va du meilleur au pire (Albin Michel, 2003)
  • Crimes dans la soie : 30 histoires de milliardaires assassins (Albin Michel, 2004)
  • Ils ont osé : 40 exploits incroyables (Albin Michel, 2005)
  • Complots : quand ils s'entendent pour tuer, gant Jérôme Equer (Albin Michel, 2006)

Filmoù[kemmañ]

Gwelet eo bet Pierre Bellemare e-barzh filmoù: