Phantasy Star II

Eus Wikipedia
Mont da : merdeiñ, klask
Phantasy Star II
Phantasy Star II
Developer(s) Sega AM7
Publisher(s) Sega
Designer(s) Akinori Nishiyama
Platform(s) Sega Mega Drive/Genesis
Sega Saturn ha Game Boy Advance e Phantasy Star Collection
PlayStation 2 ha PSP e Sega Genesis Collection(SU hag Europa)
PlayStation 2 en Phantasy Star Generation 2(E Bro-Japan Nemetken evit Phantasy Star I)
Release date(s) 21 a viz Meurzh 1989 (Japan)
31 a viz Kerzu 1989 (SUA)
Genre(s) RPG
Mode(s) Ur c'hoarier
Media/distribution kartouchenn elektronek 6-Mbit
            Patrom:Italic title

Ur c'hoari bideo RPG eo Phantasy Star II. Deuet eo er-maez er Stadoù-Unanet e 1989. Ret eo implijout ur Sega Mega Drive evit c'hoari gantañ. E japaneg eo anvet Phantasy Star II (ファンタシースター II 還らざる時の終わりに Fantashī Sutā Tsū Kaerazaru Toki no Owari ni?) E saozneg e oa ar c'hoari video-mañ. Ur c'hoari video dezhañ e-unan e oa. E-pad ar bloavezhioù 90 e oa ur seurt brezel etre div gompagnunezh c'hoarioù video: Sega gant ar megadrive (pe genesis) ha Nintendo gant ar Super nintendo (pe Super nes pe super Famicom). E-pad pell en doa en em c'houlennet ar brizourien gant piv ez aje an trec'h er brezel-mañ. Tu zo da lavaret eo Sega a zo aet ar maout gantañ a-drugarez, pergen, da Phantasy Star II ha da Thunder Force IV (ur c'hoari video STUP). Brudet eo Phantasy Star II evit e ziaested.

Evit stourm eo diasezet ar c'hoari war ur mod tro-ha-tro. Dav e oa d'ar c'hoarierien dibab oberoù an tudennoù a-raok pep tro emgann. Disheñvel e oa an holl dudennoù hag pep a arouezenn o doa. Lod a oa ampart-tre gant ur c'hleze, lod gant un arm-tan, lod all a oa barrek-kenañ evit pareañ hag lod all c'hoazh a oa barrek war ar strobinellerezh.


Golo e Stadoù Unanet Golo en Europall



Istor[kemmañ]

A-raok pep tra[kemmañ]

Tremen a ra istor ar c'hoari-mañ en ur c’hoskoriad heol anvet Algol. E Galaksienn Andromeda emañ kuzhet ar c’hoskoriad heol-se. Bez'eus teir flanedenn ennañ : Palma pe Palm (planedenn ar gouarnamant), Motavia pe Mota (a oa un dezerzh a raok met treuzstummet eo bet en ur baradoz ardaouel gant un hin tropikal) hag er fin Dezoris pe Dezo (ur blanedenn skorn ne vez ket gouiet kalz a draoù diouti).

Heuliad un istor all (Phantasy Star 1) eo istor Phantasy Star II. Tremen a ra 1000 bloaz goude trec'h Alis hag he mignoned war Lassic (tudennoù an istor kentañ).

Deuet eo koskoriad Algol da vezañ pinvidikoc'h c'hoazh a-drugarez d'un urzhiater galloudus-tre a ra war-dro pep tra er sistem : Mother-Brain. Mother Brain a reol holl ar C'hlimatrol, ar Bio-System Lab ha traoù all a bourchas kement tra a zo ezhomm da bobl Motavia.

Dirogadur[kemmañ]

Hunvre Rolf: Alis o stourm a-enep un euzhvil

Deraouiñ a ra ar c'hoari gant un hunvre eus an haroz, Rolf. Ennañ e wel ur plac'hig (e gwirionez ez eo Alis, tudenn bennañ ar Phantasy Star Kentañ) o stourm a-enep un droukspered. N'eo ket evit finval ken hon harozh met, a-daol-trumm, e tihun Rolf. Diouzh ar beure emaomp. Ret eo dezhañ mont da labourat. Evit gwir eo un agent a labour e Paseo, kêrbenn ar planedenn anvet Motavia. Mont a ra d'an tour-kreiz da welet ar c'homander a-benn klevout e urzhioù...

"N'ez a ket mat an traoù ken" eme ar c'homander dezhañ. "Euzhviled e-leizh zo o c'hantreal war ar maez. Ret eo deoc'h mont d'al Labourva Biosystem evit goulenn d'e urzhiater petra a zo o c'hoarvezout."

Neuze e tistro Rolf d'ar gêr gant ar c'hoant da dapout ha da brientiñ buan-ha-buan e gefridi. Met, ur wech er gêr e teu war wel Nei, un numan (da lavaret eo ur mutant hanter den hag hanter gazh). Degemeret e oa bet gant Rolf abaoe ur pennadig peogwir e oa dilezet e straedoù Paseo ha ne ouie ket da belec'h mont. Dalc'hen a ra Nei warnañ evit dont gantañ a-benn sikour anezhañ war e gefridi. Kompren a ra Nolf diouzhtu ne vo ket tu da cheñch soñj Nei. Ganti vo graet ar veaj eta.

Mont a reont gant an hent ha goude un nebeud emgannoù ez eo ret dezho tremen war ur pont. Met stanket eo an hent gant un forban, Darum, en doa klasket lazhañ Nei seizh miz zo... Buan-tre e vo dizoloet gant Rolf, Nei ha Rudo, nevez deuet er skipailh, e ra Darum razh an torfedoù-se evit paeañ daspren e verc'h a zo bet skrapet gant torfedourien : 50 000 meseta! Miret eo Teim, merc'h Darum, e Tour Nido. Dieubiñ a reont anezhi ha distreiñ ganti da welet Darum, war pont stanket gantañ. Siwazh e oa bet lakaet ur ouel war he dremm gant aon na vefe anavezet gant un den gouest d'ober drouk dezhi evit kaout un dial a-enep Darul. Ur wech erret e-tal Darum e klask Teim da gomz gant e dad met hemañ n'anavez ket anezhi ha lazhañ Teim. Ur wech e wel eo bet lazhet e verc'h gantañ en em zistruj.

Kendalc'hen a ra hor skipailh (Rolf, Nei ha Rudo, ur chaseour nevez deuet er skipailh) betek ar Biosystem Labourva. er milendall-mañ e vo kavet enrolladur urzhiater ar Biosystem Labourva.

Tudennoù[kemmañ]

Tudennoù a c'haller c'hoari gante[kemmañ]

Rolf

Rolf Landale[kemmañ]

  • Japaneg ユーシス (Yūshisu)
  • Anv e japaneg Eusis Landale
  • Gouenn Palman
  • Oad 20
  • Micher Agent
  • Deiz-ha-bloaz September 17th
  • Ment 1m77
  • Arm(où) Klezeier/Kontelloù brezel
Nei

Nei[kemmañ]

  • Japaneg ネイ (Nei)
  • Anv e japaneg:
  • Gouenn Numan
  • Oad 7 miz
  • Micher Dilabour
  • Deiz-ha-bloaz 30 a viz Eost
  • ment 1m64
  • Arm(où) Skilfoù
Rudo

Rudolf "Rudo" Steiner[kemmañ]

  • Japaneg ルドガー・スタイナー (Rudogā)
  • Anv e japaneg Rudger Steiner
  • Gouenn Palman
  • Oad 35
  • Micher Chaseour
  • Ganet da Kentañ a viz Gouere
  • Ment 1m90
  • Arm(où) fuzuilhoù brezel
Amy

Amy Sage[kemmañ]

  • Japaneg: アンヌ・サガ (Annu)
  • Anv japanek: Anne Saga
  • Gouenn Palman
  • Oad 23
  • Micher Doktor
  • Deiz-ha-bloaz 26 a viz Ebrel
  • Ment 1m58 cm
  • Arm(où) Kountelloù/Pennoù-bazh/Fuzuilhoù bihan
Hugh

Hugh Thompson[kemmañ]

  • Japaneg ヒューイ・リーン (Hyūi)
  • Anv amerikan Huey Reane
  • Gouenn Palman
  • Oad 20
  • Micher Bevoniour
  • Deiz-ha-bloaz 14 a viz Even
  • Ment 1m75
  • Arm(où) Kontelloù Brezel/fuzuilhoù bihan
Anna

Anna Zirski[kemmañ]

  • Japaneg アーミア・アミルスキー (Āmia)
  • Anv e japaneg: Amia Amirski
  • Gouen Palman
  • Oad Dianavez
  • Job Jugard/Chaseour dindan ar gouarnamant (US/JP)
  • Deiz ha bloaz Dianavez
  • Height 1m68
  • Weapon(s) troc’herezioù/Skourjezoù
Kain

Josh Kain[kemmañ]

  • Japaneg カインズ・ジ・アン (Kainzu)
  • Anv japanek: Kainz Ji An
  • Gouen Palman
  • Oad 21
  • Micher Dispenner tiez
  • Deiz-ha-bloaz 9 a viz Kerzu
  • Ment 1m80
  • Arm(où) Kontelloù brezel/Fuzuilhoù bihan/un nebeud fuzuilhoù brezel
Shir

Shir Gold[kemmañ]

  • Japaneg シルカ・レビニア (Shiruka)
  • Anv japanek Shilka Levinia
  • Gouen Palman
  • Oad 21
  • Micher laer
  • Deiz-ha-bloaz kentañ a viz Ebrel
  • Ment 1m61
  • Arm(où) Kontelloù brezel

Enebourien bouezus[kemmañ]

Darum[kemmañ]

Un tad a zo bet skrapet e verc'h, Teim, digantañ. Rediet eo bet da zont da vezañ preizher ha da lazhañ tud a-benn dastum arc'hant evit an daspren (50 000 peseta). Siwazh e vo lazhet e verc’h gantañ e-unan, abalamour ma krede e oa ur veajourez bennak. Goude an torfed-se en em zistrujo. An enebour kentañ eo. Ret eo diskouez Teim dezhañ evit gallout mont d'ar Biosystem Labourva.

Darum1.png Darum2.JPG Darum3.JPG Darum4.JPG

Dark Force[kemmañ]

Un nerzh drouk en deus c'hoant da zistruj pep tra ha d'ober poan da Vab-Den. Den ne oar eus pelec'h e teu pe piv en deus krouet an nerzh se.

Darfoce3.JPG

Mother Brain[kemmañ]

Un urzhiater galloudus a ra war-dro pep tra e koskoriad Algol. Savet eo bet er bloavezh AW845. Dizeeunet eo bet gant Dark Force.

Brainmother.png

Neifirst[kemmañ]

doubl Nei. Frouezh enklaskoù genetek a implije TDN Mab-Den ha TDN loened. Krouet eo bet gant skiantourien daou vloaz a-raok tro-gaer Phantasy Star II. Ken galloudus e oa m’o doa klasket ar skiantourien-se lazhañ anezhi met deuet e oa bet a-benn da vont diganto. Honnezh a zo kiriek da vezañ laeret TDN ar Biosystem Lab ha da vezañ krouet euzhviloù a-benn distruj Mab-den. Er foñs, n'eo ket ken drouk ha-se met c'hoant he doa da gaout he dial war ar re o deus klasket lazhañ anezhi hag o deus implijet an natur hep teurel evezh.

Neifirst3.JPG Nei a-enep Neifirst : un emgann diabarzh etre ar Mad hag an Droug.

Tudennoù bouezus all[kemmañ]

  • Kommander Mota – Ar bezroue a ro dezhañ ar c’hefredioù da gas da benn hag an titouroù ret.

KOMANDOUR1.JPG

  • Lutz – Un Esper repuet a zo o vevañ e « Esper Mansion » war Dezo, Lutz a sikour Rolf hag e vignoned en o c’hefridi. Sañset eo bezañ an hevelep Esper en deus roet harp da Alis e Phantasy Star, met, dre ma vez graet « Noah » eus Esper e stumm saoznek ar c’hoari PS1, ez eo kollet al liamm-se.

Lutz.gif

  • Tyler – ul laer eus an egor a zeu da sikour an tudennoù war al loarell Gaira.

Tyler.gif

  • Ustvestia – Ur soner a gelenn teknik ar sonerezh d’an harozed. Heñvelreviat eo en dizolo e stumm japanat ar c’hoari, met hogosik dave d’e heñvelreviadegezh zo bet tennet eus ar stumm amerikan, nemet e werzh e deknik marc'hadmatoc'h d'ar baotred eget d'ar merc'hed. [1]

Ustvestia.JPG

Marv kuzhet Nei[kemmañ]

E-pad ar c'hoari e vo ret da Nei stourm hec'h-unan a-enep Neifirst. E-penn kentañ e vo un emgann etre Nei ha Neifirst hag ordin e vez lazhet Nei ha goude vez dialet anezhi gant ar peurrest eus ar strollad. Hogozik dic’hallus eo bezañ trec'h war Neifirst pa vez Nei o stourm he-unan met koulskoude ez eus tu da vezañ trec'h warni. Er c’haz-se e vo ur gaozadenn un tammig disheñvel. Siwazh e varvo Nei memestra, ken liammet eo hi ouzh Neifirst.


Marv NeiNei marv2.JPG

Huderezh (Teknikoù)[kemmañ]

Roll teknikoù ar c'hoari, o frizioù e poentoù teknik (TP) hag o efedoù Pa grog anv an teknik gant Gi e vez div wech efedusoc’h. Pa kreg gant Na e vez teir gwech efedusoc'h.

Teknikerezh Priz (TP) Efedoù
Foi 2 Tagadenn tan
Gifoi 6
Nafoi 12
Zan 4 Tagadenn aer
Gizan 7
Nazan 11
Gra 8 Tagadenn dre hoalder
Gigra 12
Nagra 20
Tsu 6 Tagadenn luc'hedenn
Githu 13
Nathu 20
Shift 5 Kreskiñ a ra nerzh tagadennoù ar skipailh
Fanbi 2 Laerezh a ra buhez digant un enebour
Eijia 4 Meur a dagadenn vekanik
Brose 8 Tagadenn vekanik
Conte 6 Sioulat a ra an enebourien vekanik
Gaj 1 Tagañ ha dizeeunañ a ra ar mekanikoù
Gigaj 5
Nagaj 15
Sag 3 Meur a dagadenn elektronek
Gisag 5
Nasag 27
Gen 1 Tagadenn gant bioenergiezh
Sagen 3
Vol 8 Tagadenn poulldroenn
Savol 16
Shiza 6 Stoc'hañ tagadennoù ispisial
Doran 2 Tagadenn follentez
Rimit 3 Tagadenn a zizeeun ar mekanikoù
Shinb 4
Forsa 2 Tagadenn elektronek.
Rimet 3 Seizi evit an enebourien
Shu 3 Kreskiñ an nerzh difenn
Sashu 8
Deban 4 Stoc'hañ tagadennoù
Ner 2 Kreskiñ a ra tizh ar skipailh
Saner 6
Res 3 Yac'haat a ra un ezel eus ar skipailh
Gires 7
Nares 13
Sar 13 Yac'haat a ra holl izili ar skipailh
Gisar 29
Nasar 53
Sak 1 Nei en em lazh met yac'haet e vo penn-da-benn un ezel eus ar skipailh
Nasak 1 Nei en em lazh met yac'haet e vo penn-da-benn pep ezel ar skipailh
Anti 2 Efedus a-eneb an ampoezonioù
Rever 30 Reiñ a ra buhez d'ur mignon marv
Ryuka 8 Distreiñ d'ur gêr
Hinas 4 Mont digant ur milendall
Musik 3 Seniñ gant ur piano
Megid 55 Tagadenn tarzerezh. Droug a ra d'ar genseurted.

Liammoù diavaez[kemmañ]

Patrom:Phantasy Star series