Pevar-yev

Eus Wikipedia
Mont da : merdeiñ, klask
Quadriga Porzh Brandenburg da noz
Quadriga an Trec'hlid e Venezia, diwar batrom ur c'h-quadriga kozh

Ur Pevar-yev, pe quadriga (Latin quadri-, pevar, ha jungere, yevañ) zo ur c'harr sachet gant peder c'hazeg e Roma gozh, par da Tethrippon Hellaz. Ganto e veze redadegoù er C'hoarioù Olumpek hag er c'hoarivaoù roman.

War listri Hellaz kozh hag en izelvosoù e vez gwelet kirri pevar-yev gant an doueed ha harozed. E Roma e oa deuet da vezañ arouez an trec'h. Victoria pe Fama eo a vez gwelet o vleniañ quadrigae. Apollon a vez gant e garr o treuziñ an oabl , o tegas sklerijenn hag oc'h argas an deñvalijenn.

Gant ar ger quadriga e reer anv pe eus ar c'harr hepken, pe eus ar peder c'hazeg o-unan, pe eus ar c'harr hag eus an anevaled stag outañ.

An holl girri pevar-yev zo savet diwar skouer Quadriga an Trec'hlid, ur c'hizelladur hellazat pe roman ha ne chom nemeti eus ar c'hirri kozh-se.

Skeudennaoueg[kemmañ | kemmañ ar vammenn]

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.