Percy B. Shelley

Eus Wikipedia
Mont da : merdeiñ, klask
Percy Bysshe Shelley livet gant Amelia Curran (1819)

Percy B. Shelley, ganet d’ar 4 a viz Eost 1792 ha marvet d’an 8 a viz Gouhere 1822, a oa unan eus brasañ barzhed saoz ar Romantelezh hag unan eus ar gwellañ barzhed bet biskoazh o skrivañ e saozneg.

Keneil e oa da John Keats ha George Byron.

E eil gwreg e oa Mary Shelley, oberourez ar romant Frankenstein.

Yaouankiz ar barzh[kemmañ]

Mab e oa da Sir Timothy Shelley, a deuas da vezañ eil baronet Castle Goring ha da Elizabeth Pilfold. Tremen a reas e vugaleaj e Sussex ha skoliataet e voe er gêr gant ar beleg Thomas Edwards. E 1802 e voe kaset d’ar "Sion House Academy" da v-Brentford. E 1804 ez eas da studiañ e Eton hag e miz Ebrel 1810 e Skol-Veur Oxford. Al levr kentañ kaset gantañ d’un embanner a oa ar romant "gotek" Zastrozzi (1810), ma tisplege e weledigezh dizoue eus ar bed.