Papiruz

Eus Wikipedia
Tamm papiruz egiptat a ziskouez Osiris ha pouezerezh ar c'halonoù

Ar papiruz zo un danvez, ijinet moarvat 5.000 bloaz zo, aozet diwar korzennoù ar blantenn Cyperus papyrus hag implijet evit ober follennoù.

Aozañ ha mirout[kemmañ | kemmañ ar vammenn]

A-benn aozañ papiruz e veze glebiet tammoù tanav korzenn ar blantenn, lakaet gwiskadoù anezhe an eil war egile ha gwasket. An aliesañ ne veze skrivet nemet war un tu eus ar baperenn. An tammoù papiruz (0.5 metrad a hirder dezhe d'ar muiañ) a c'helle bezañ staget an eil ouzh egile a-benn sevel rolladoù hir (evel, da skouer, papiruz Harris, 40 metrad a hirder dezhañ).

Ezporzhiet e veze papiruz gant Egiptiz er broioù tro-dro d'ar Mor Kreizdouar. Dre ma oa ker-ruz an danvez-se e veze kustum ar skriverien da raskañ an testennoù a-raok adskrivañ warno pe ober gant danvezioù all (tammoù poderezh pe maen-raz) evit ar skridoù na oant ket hollbouezus.

Azas eo an hinad sec'h ouzh mirerezh ar papiruz met kerkent ha ma vez mouest an danvez ec'h a ar framm war zispenn.

  • Wolfgang Kosack: Schenute von Atripe De judicio finale. Papyruskodex 63000.IV im Museo Egizio di Torino. Einleitung, Textbearbeitung und Übersetzung herausgegeben von Wolfgang Kosack. Berlin 2013, Verlag Brunner Christoph, ISBN 978-3-9524018-5-9