Oselo
Diwar Wikipedia, an holloueziadur digor
|
|||||
|---|---|---|---|---|---|
 L. pardalis
|
|||||
| Rummatadur klasel | |||||
| Riezad : | Loened | ||||
| Skourrad : | Chordata | ||||
| Kevrennad : | Mammalia | ||||
| Urzhiad : | Carnivora | ||||
| Kerentiad : | Felidae | ||||
| Genad : | Leopardus | ||||
| Anv skiantel | |||||
| Leopardus pardalis Linnaeus, 1758 |
|||||
|
|||||
An oselot (diwar ar ger nahouatlek ocelotl) pe Leopardus pardalis (e latin), anvet ivez loupard livet, pe tigrillo a zo ur c'hazh gouez eus kreiz ha su Amerika. Betek kreisteiz Texas ha Trinidad e oa bet gwelet. Gallout a ra muzuliañ 100 cm ha kaout ul lost a 45 cm. Pouezañ a ra etre 10 ha 15 kg. Heñvel a-walc'h eo ouzh an onsila hag ar margay a vev en hevelep rannvro met brasoc'h eo.
Un aneval-noz eo ha tachedanel(?)-tre. Betek ar marv e stourmo da zifenn e dachenn. Evel hogozik an holl gizhier e vev gantañ e-unanik, estreget e-pad an amzer-gouennañ. E-pad an deiz e c'hell rannañ ul lec'h-ehan gant un oselo ag an hevelep reizh. E-pad an amzer-gouennañ (en diskar-amzer ar peurliesañ) e klask ar barez ur c'hev pe ur wezenn gleuz ma c'han etre daou ha pevar c'holen. Krediñ a reer e pad an dougen betek 70 devezh.
Daoust ma c'hell an oselo pignat mat-tre e hemolc'h war an douar ar peuliesañ. Debriñ a ra marmouzien, skrignerien, naered, kroc'henegion, pesked hag evned. Argasiñ a c'hell anevaled-ti vihan evel ar moc'hig pe an evned-porzh. Prezhoù bihanoc'h egetañ a blij dezhañ muioc'h ha gant e c'hwesha e vez o kavout ar peurliesañ zoken m'en-deus ur gweled-noz mat tre.
Blevad an oselo a zo heñvel ouzh hini ar jaguar hag evitañ e vez hemolc'het. Daoust ma ne riskl ket da vont da get ez eo en arvar e darnioù'zo e annez. War stagaden I ar CITES eo meneget.
[kemmañ] Ispesadoù
- Leopardus pardalis pardalis, Amazonia
- Leopardus pardalis aequatorialis, norzh an Andoù
- Leopardus pardalis albescens, Mec'hiko, mervent Tec'has
- Leopardus pardalis maripensis, Venezuela, Guyana, Trinidad
- Leopardus pardalis mearnsi, Kreiz America
- Leopardus pardalis mitis, Arc'hantina, Paraguay
- Leopardus pardalis nelsoni, Mec'hiko
- Leopardus pardalis pseudopardalis, Kolombia
- Leopardus pardalis puseaus, Ecuador
- Leopardus pardalis sonoriensis, Mec'hiko
- Leopardus pardalis steinbachi, Bolivia
