Ordovices
An Ordovices a oa ur bobl vrezhon en Enez Vreizh a-raok an aloubadeg roman, er vro a vo anvet Kembre. Amezeien e oant d'ar Silures er c'hreisteiz ha d'an Deceangli er biz, ha marteze d'ar g-Cornovii. Saverien-chatal e oant, ha saverien kreñvlec'hioù war an tuchennoù.
O anv[kemmañ | kemmañ ar vammenn]
Krediñ a reer kavout en o anv ar gerioù 'ordo-wik-', ha neuze ar ger iwerzhonek 'Ord', ar ger kembraek 'Gordd' (gant ur G- ouzhpennet), kar d'ar ger brezhonek horzh. Da neuze e vijent marteze pobl an horzh.
Istor[kemmañ | kemmañ ar vammenn]
N'eus ket kalz evelto en Enez Vreizh a zalc'has penn ouzh ar Romaned. Kaset e voe ar stourm gant Caratacos, a oa harluet en o bro goude ma oa bet trec'het en emgann ar Medway e 43. Dont a reas Caratacos da vout rener an Ordovices ha hini o amezeien Silures, ha brasañ enebour ar Romaned en amzer-se, er bloavezhioù 50.
Goude Emgann Caer Caradoc, e voe trec'het Caratacos gant Publius Ostorius Scapula, hag echu e voe d'an Ordovices gourdrouz Roma, e-pad ur pennad.
Er bloavezhioù 70 koulskoude en em savas an Ordovices a-enep ar Romaned, ha distrujañ a rejont ur rejimant roman war varc'h. Euzhus e voe ar c'hastiz, hag hervez Tacitus e voe lazhadeget ar bobl gant arme roman Agricola, tad-kaer an istorour, e 77/78..
Chom a ra anv ar bobl en anv-lec'h Dinorwig, e Gwynedd.
Pennad kar[kemmañ | kemmañ ar vammenn]
Liammoù diavaez[kemmañ | kemmañ ar vammenn]
- Ordovices e-barzh Roman-Britain.org
- Ordovices e-barzh Romans in Britain
| Pobloù brezhon Kembre |
|
|---|---|
|
Gwelout ivez: Brezhoned, Enez Vreizh, Rouantelezhioù brezhon, Hanternoz Kozh. |
| |||||