Omfale

Eus Wikipedia
Mont da : merdeiñ, klask
Herakles hag Omfale (munud), gant Johann Heinrich Tischbein
Mitizhien Omfale o c'hoapaat Herakles, eoullivadur gant Lucas Cranach an Henañ, 1537, Braunschweig, Herzog Anton Ulrich-Museum.
Herakles hag Omfale, livet gant François Lemoine.
Omfale, kizellet gant Constantin Dausch
Delwenn Omfale e Park Schlosses Schönbrunn e Wien, ha ganti penn-bazh Herakles.

Omfale (Ὀμφάλη e henc'hresianeg) a oa merc'h d'ar stêr Iardanus, ha gwreg Tmolos, roue Lidia, en Azia Vihanañ; pa voe lazhet he gwaz gant un tarv e chomas intañvez ha rouanez. Diodorus Siculus an hini a ra kentañ meneg anezhi el lennegezh, met anavezet e oa ivez gant Aeschylus.[1].

Herakles hag Omfale[kemmañ]

Orakl Apollon an hini a alias Herakles da vont da sklav gant Omfale, rouanez Lidia, evit en em walc'hiñ eus muntr e vignon Ifitos. Ganti e chomas an haroz e-pad bloaz[2]. Goap a veze graet eus Herakles, ret dezhañ ober labour ur gogez, dougen dilhad gwreg, derc'hel paner ar gloan e-keit ma veze Omfale hag he dimezelled o nezañ.

Goap ouzh an haroz[kemmañ]

Hervez Ovidius[3] e veze Omfale o wiskañ kroc'hen leon Nemea hag o tougen penn-bazh Herakles er c'heit-se. «E-keit ma veze Omfale, gwisket gant kroc'hen leon Nemea, o terc'hel ar penn-bazh, edo Herakles, gwisket e maouez, gant ur sae vouk, o labourat gant gloan, hag e lez Omfale d'e skouarnata a-wechoù gant he fantouflenn.» (Lukian Samosata, Penaos eo ret skrivañ an istor, X) Goude e vloavezh sklavelezh e timezas Omfale d'an haroz, petra bennak ma oa bet oc'h ober al lez da veur a hini eus he dimezelled, da unan anvet Malis peurgetket. Abalamour da se eo bet poltredet Omfale meur a wech gant penn-bazh Herakles en he dorn war al listri.

Eus ar goapaerezh-se avat n'eo ket gwall gozh ar roudoù...

Mibien Herakles e Lidia[kemmañ]

Hervez doareoù zo eus ar vojenn e timezas Omfale d'an haroz goude e zieubiñ. Diodorus Siculus (4.31.8) hag Ovidius en e Heroides (9.54) a ra anv eus ur mab anvet Lamos. Met Apollodoros (2.7.8) an hini a ro an anv Agelaus. Lavarout a rae rouaned Lidia ha Krezus, diskenn anezhañ.

Notennoù[kemmañ]

  1. Aeschylus, Agamemnon 1024-25.
  2. Sofokles, Trachiniae 69ff.
  3. Fasti 2.305.

Lennadurezh[kemmañ]


Commons
Muioc'h a skeudennoù diwar-benn

a vo kavet e Kerandafar.