Noord-Beveland

Eus Wikipedia
Mont da : merdeiñ, klask
Noord-Beveland
Lec'hiadur Noord-Beveland
Banniel Noord-Beveland
Ardamez Noord-Beveland
Krugell an oadoù (01/01/2009)

Noord-Beveland distagañ [1]) a zo ur gumun e proviñs Zeeland en Izelvroioù. 120,29 km² eo gorread Noord-Beveland (douar : 86,07 km², dour : 34,22 km²). D'an 31 a viz Mae 2009 e oa 7 370 annezad enni. Un enezenn eo bet Noord-Beveland. Ul lodenn eus ledenez Walcheren-Zuid-Beveland-Noord-Beveland eo hiziv an deiz. Etre aber Oosterschelde (en norzh) ha Veerse Meer ha Zandkreek (er su) emañ Noord-Beveland. Stankelloù a zo da liammañ Noord-Beveland ouzh Walcheren hag ouzh Zuid-Beveland. Krouet eo bet kumun Noord-Beveland d'ar 1 a viz Genver 1995 pa voe kendeuzet Kortgene ha Wissenkerke. Ar c'hêriadennoù da-heul a ya d'ober kumun Noord-Beveland : Colijnsplaat, Geersdijk, Kamperland, Kats, Kortgene ha Wissenkerke.

Meilh De Onderneming e Wissenkerke

Ganuenta[kemmañ]

Da vare ar Romaned e oa kêr Ganuenta e norzh da Colijnsplaat. Dindan an Oosterschelde emañ hiziv an deiz. Da vare ar Romaned e oa ur gêr a-bouez a-fet kenwerzh, hag enni e oa un templ d'an doueez Nehalennia. E miz Eost 2005 e voe digoret ez-ofisiel un templ heñvel e Colijnsplaat[1].

Kuzul-kêr[kemmañ]

E kuzul-kêr Noord-Beveland ez eus 13 dileuriad :

  • PvdA : 3 dileuriad
  • CDA : 3 dileuriad
  • Noord-Bevelands Belang : 3 dileuriad
  • VVD : 2 zileuriad
  • SGP : 2 zileuriad

Notenn[kemmañ]

  1. Van der Velde, Koert (13 a viz Eost 2005). Zeeuwse godin weer thuis. Trouw, p. 8-9.

Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.

Flag of the Netherlands.svg Porched an Izelvroioù – Adkavit pennadoù ha rummadoù Wikipedia a denn d'an Izelvroioù.