Nationale Volksarmee

Eus Wikipedia
Mont da : merdeiñ, klask
Banniel NVA
Ardamez NVA. Für den Schutz der Arbeiter un Bauern Macht : Da wareziñ galloud ar vicherourien hag ar beizanted
Gwarded eus strollad-gward Friedrich-Engels NVA e-kichen maen-koun gouzañverien ar faskouriezh hag ar soudardegezh e Berlin

NVA (Nationale Volksarmee, arme vroadel ar bobl en alamaneg) a oa anv arme Republik Demokratel Alamagn. Krouet e voe d'an 18 a viz Genver 1956, ha divodet e 1990.

Istor[kemmañ]

Aozañ un arme e DDR a grogas azalek 1952 : goude aozañ an arme vroadel, polis ar bobl ha meur a framm all e voe krouet NVA d'an 18 a viz Genver 1956. Kement-se a voe graet e diabarzh framm feur-emglev Varsovia, ha dindan levezon URSS. Betek 1962e oa diazezet NVA war an emouestlañ. Pa voe lakaet ret ar servij-soudard e voe enni war-dro 170 000 soudard.

Gant an doare ma oa bet oazet NVA e oa bras pouez politikel SED (strollad komunour) enni. Tost an holl ofiserien ha danvez ofiserien eus an NVA a oa ezel eus SED, hag unan eus ar palioù a oa lakaat kalz izili eus SED e-touez an isofiserien. Hervez pennoù SED e oa NVA benveg galloud renkad al labourerien da wareziñ ha da suraat ar gounidoù sokialour rak tagadennoù an diavaez. NVA a oa ur benveg da zifenn DDR hag ar broioù all a oa e feur-emglev Varsovia. Soudarded NVA ne gemerjont perzh e brezel ebet. Raktreset e voe kas rannadoù eus NVA da bPraha e 1968, met ne oa ket prest NVA hag ouzhpenn e voe soñjet e vije drastus an efed (ma vije bet aozet e vije ar wech kentañ abaoe an Eil Brezel-bed ma vije bet kaset soudarded alaman d'ur vro estren).

Banner-luc'hedoù Frog

Er goañv 1981 e voe kaset soudarded NVA e-kichen harzoù Polonia, ha prest e oant da waskañ kement emsavadeg a vije bet kaset gant ur sindikad, met a-benn ar fin ne voe ket roet urzh d'en ober. Meur a wech e voe lakaet soudarded NVA war ziwall : e 1961 pa voe savet moger Berlin, e 1962 da vare ar pennad tenn e Kuba, e 1968 pa'z eas arme URSS da aloubiñ Tchekoslovakia, hag ivez er goañv 1989. Divodet e voe NVA e 1990, hag an diazezlec'hioù, ar staliadurioù hag an armoù a voe roet d'ar Bundeswehr. Al lod brasañ eus diazezlec'hioù NVA a voe serret, hag ul lodenn eus an armoù a voe gwerzhet da Stadoù all, Turkia hag Indonezia en o zouez. Al lod brasañ eus an ofiserien hag an isofiserien a voe lakaet war o leve. Ar re a voe degemeret er Bundeswehr a voe lakaet da bennadjudant, ar pezh a dalveze diskenn a-fet grad. 3 200 eus ar 36 000 ofiser a oa a voe degemeret er Bundeswehr.

Aozadur[kemmañ]

Arme-zouar DDR e 1983[kemmañ]

  • Koskor : 116 000 den, 69 000 den engalvet en o zouez.
  • Adarme : ?

Aerlu DDR e 1983[kemmañ]

Ardamez aerlu RDA
  • Koskor : 37000 den : 2 vatailhon harz-lammerien, 15 000 den engalvet, 359 c'harr-nij-brezel.
  • Adarme: 30000 den

Morlu (Volksmarine) DDR e 1983[kemmañ]

Banniel Volksmarine
  • Koskor : 14 000 den, en o zouez 8 000 den engalvet.
  • Adarme : 25 000 den

Ar stummañ[kemmañ]

Skolioù a oa da stummañ an ofsiserien, an isofiserien hag an danvez-ofiserien. Azalek kreiz ar bloavezhioù 1970 e voe aotreet ar sternidi dibabet da vont da studiañ da skolioù ofiserien URSS. Stummet e veze an ofiserien uhel (ha bep bloaz ivez 10 ofiser eus polis ar bobl) en akademiezh arme NVA e Dresden.

Gradoù[kemmañ]

Ofiserien-jeneraled NVA
Marschall der DDR Armeegeneral Generaloberst Generalleutnant Generalmajor
GDR Army OF10 Marschall der DDR.gif
GDR Army OF9 Armeegeneral.gif
GDR Army OF8 Generaloberst.gif
GDR Air Force OF7 Generalleutnant.gif
GDR Border Troops OF6 Generalmajor.gif
Ofiserien NVA
Oberst Oberstleutnant Major Hauptmann Oberleutnant Leutnant Unterleutnant
GDR Army OF5 Oberst.gif
GDR Army OF4 Oberstleutnant.gif
GDR Army OF3 Major.gif
GDR Army OF2 Hauptmann.gif
GDR Army OF1 Oberleutnant.gif
GDR Air Force OF1 Leutnant.gif
GDR Army OF1 Unterleutnant.gif
Danvez-ofiserien NVA
Stabsoberfähnrich Stabsfähnrich Oberfähnrich Fähnrich
GDR Army W4 Stabsoberfähnrich.gif
GDR Army W3 Stabsfähnrich.gif
GDR Army W2 Oberfähnrich.gif
GDR Army W1 Fähnrich.gif
Isofiserien NVA
Stabsfeldwebel Oberfeldwebel Feldwebel Unterfeldwebel Unteroffizier
GDR Army OR8 Stabsfeldwebel.gif
GDR Army OR7 Oberfeldwebel.gif
GDR Army OR6 Feldwebel.gif
GDR Border Troops OR5 Unterfeldwebel.gif
GDR Border Troops OR4 Unteroffizier.gif
Soudarded NVA
Stabsgefreiter Gefreiter Soldat
GDR Air Force OR3 Stabsgefreiter.gif
GDR Army OR2 Gefreiter.gif
GDR Army OR1 Soldat.gif


Levrlennadur[kemmañ]

  • Wilfried Kopenhagen, Die Landstreitkräfte der NVA, Motorbuch Verlag, ISBN 3-613-02297-4
  • Siegfried Breyer & Peter Joachim Lapp, Die Volksmarine der DDR, Bernard & Graefe Verlag, ISBN 3-763-75423-7
  • Klaus Behling, Der Nachrichtendienst der NVA, edition ost, 2005, ISBN 3-360-01061-2
  • Bodo Wegmann, Die Militäraufklärung der NVA, Verlag Dr. Koester, Berlin, 2005, ISBN 3-895-74580-4
  • Walter Jablonsky, Die NVA in den Vereinten Streitkräften des Warschauer Paktes. In: NVA - Anspruch und Wirklichkeit… nach ausgewählten Dokumenten. Berlin, Bonn, Herford, 1994


Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.