Menez Montserrat

Menezioù Montserrat gwelet eus ur c'harr-nij

Menez Monserrat zo un tolzad menezioù e Katalonia, un 60 km bennak eus Barcelona. Rannet eo etre komarkoù Bages, Anoia ha Baix Llobregat.

Brudet eo ar manati, manati Montserrat, ha Santa Maria de Montserrat, ar Werc'hez enoret ennañ, Gwerc'hez Monserrat, diwallerez Katalonia. Un arouez broadel eo ar menez.
Hervez ar vojenn eo eno emañ Grall santel marc'hegeien an Daol Grenn.

Taolenn

Talvezout a ra an anv kement ha menez evel ur "serra", da lavarout eo menez dantek. Dont a ra eus stumm ar reier, gwelet a bell.

Sant Jeroni (Sant Jerom) eo anv kern ar menez. Di ez eer dre wenodennoù 1,236 m a uhelder dezhañ.

Sterioù all zo d'ar ger: kit da welout ar pennad Montserrat.

Roet e vez an anv Montserrat evel anv-badez, ha graet e vez Mont, Montse, Muntsa, Serrat pe Rat, eus an dud.

Enez Montserrat, er Mor Karib, a zo bet anvet diwar anv ar menez, en eñvor d'ar Werc'hez ac'haleno.