Mark Kerrain
| Mark Kerrain | |
|---|---|
 Mark Kerrain, e miz Gouere 2009 |
|
| Obererezh | Yezhadurour Saver danvez-kelenn Troer (levrioù evit ar vugale, romantoù, danevelloù) |
| Ganedigezh | e 1952 e Runan,  Breizh |
| Yezh skrivañ | Brezhoneg |
| Enorioù | gant troidigezhioù : |
kemmañ  |
|
Mark Kerrain, zo bet ganet e Runan (Bro-Dreger) d'an 19 a viz Du 1952. Kelenn a ra brezhoneg er skol-noz e Roazhon abaoe 1969 : da gentañ e voe gant Skol an Emsav e-pad un 20 vloaz bennak, ha goude gant Sav-Heol. Unan eus paotred skipailh Yod-Kerc'h eo bet, evel un toullad studierien er bloavezhioù 1970. Bet eo e-touez saverien Unvaniezh ar Gelennerien Brezhoneg e 1980 gant Tudual Kalvez ha Jean-Claude Morvan ha Beatris Jouin. Kelenner brezhoneg eo e Skol-veur Breizh-Uhel goude bezañ bet pell amzer o vont a lise da lise. Skrivet en deus meur a bennad e-barzh Al Liamm ha Bremañ, troet danevelloù, savet un nebeud kontadennoù hag un toulladig kanaouennoù, darn anezho evit ar vugale, hag aozet danvez-kelenn.
Taolenn |
[kemmañ] Labourioù treiñ
Troet en deus diwar ar galleg, ar saozneg, ar spagnoleg pe ar galizeg dreist-holl, ha Priz Langleiz en deus bet evit e labour-treiñ.
[kemmañ] Levrioù evit ar vugale
- Gant Skol an Emsav : an dastumad Lom, er bloavezhioù 1980, troet diwar ar c'hatalaneg;
- Gant TES, meur a levr evel
- Otto ha Ramz Zeralda, gant Tomi Ungerer,
- Gant Sav-Heol
- Olifant kalon-evn, gant Mariasun Landa e 2010.
- Ma buhez berrloer, gant Mariasun Landa e 2011.
[kemmañ] Romantoù
Daou romant troet gantañ zo bet embannet :
- Mab an Diaoul, gant Paul Féval, embannet gant An Here.
- Ar Pemp Skoed a Vreizh, gant Evelyne Brisou-Pellen, embannet gant Al Liamm
- Ar sarpant glas e-barzh ar c'hlas, gant Evelyne Brisou-Pellen e 2010
- Kevrin ar c'hizhier, gant Fina Casalderrey e 2011
[kemmañ] Danevelloù
- Danevelloù troet diwar Guy de Maupassant, Raymond Carver, Gabriel García Márquez, Reinaldo Arenas, pe skiant-faltazi gant Fredric Brown, Lovecraft, Richard Matheson, Ray Bradbury, Stanislas Lem, Juan Rulfo, ha re all, embannet e-barzh Al Liamm ha Bremañ (bloavezhioù 1990).
- An dastumad danevelloù Teod ar balafenned gant Manuel Rivas, troet diwar ar galizeg, embannet gant An Alarc'h, e 2009. Tapet gantañ Priz Frañs 3 2009 ar gwellañ troidigezh lennegel gant al labour-mañ.
[kemmañ] Barzhonegoù
Barzhonegoù gant Charles Baudelaire, Jules Laforgue, Manuel María, embannet er gelaouenn Al Liamm.
[kemmañ] Skridoù all
Embannet en deus
- un nebeud danevelloù dindan e anv pe anvioù-pluennoù (Sacha Bounta, Joran ar Grug) e-barzh Al Liamm ha div zanevell en dastumad Kaoteriad, kenembannet gant Alan Botrel
- un nebeud kanaouennoù, evel Son ar studier el levr Kan an Drask, Ma c'hi ha ma c'hazh, kanet gant Roudot.
[kemmañ] Danvez-kelenn
- Ni a gomz Brezhoneg, TES 1997. Goude al levr e 1997 ez eus bet embannet ur CD ROM e 2005.
- Gwellaat a ran ma brezhoneg, Memento du Bretonnant, Sav-Heol 2002
- Tri levrig danevelloù aes evit deskarded
- Erwan Lagadeg, embannet gant TES
- Ur voutailh war an traezh, Sav-Heol. Div gontadenn el levrig zo bet savet gant Romuald Texier.
- Naoned Senegal
[kemmañ] Geriaouegoù
- Teurel Blaz war ar yezh, geriaoueg divyezhek an troioù-lavar brezhonek, Sav-Heol 2005.
- Liv an amzer, geriaoueg an amzer, Sav-Heol
