Maria Tereza Portugal (1793-1874)

Eus Wikipedia
Mont da : merdeiñ, klask
Ur pennad Maria Teresa de Portugal zo ivez.
Maria Tereza Portugal (1793-1874)

Maria Tereza Portugal (pe Maria Teresa de Portugal en portugaleg ; pe María Teresa de Portugal en spagnoleg), ganet e 1793 en Ajuda (Portugal) ha marvet e 1874, e Trieste (Impalaeriezh Aostria-Hungaria), a oa infantez Portugal, priñsez Beyra ha pennhêrez Portugal eus 1793 da 1795, ha dre zimeziñ, hag ivez infantez Spagn ha kontez Molina dre hec'h eil dimeziñ d'an infant Carlos Spagn (1788-1855), a oa e penn emsav ar garlourien.

He buhez[kemmañ]

María Teresa a oa kentañ bugel ar priñs portugalat João, a voe Roue Portugal evel João VI, hag e bried an infantez spagnol Carlota Joaquina de Borbón, hag o doe nav bugel en holl.

Brazil[kemmañ]

Pevarzek vloaz e oa e 1807 pa voe aloubet Portugal gant soudarded c'hall Napoleone Buonaparte. E deroù 1808 e tec'has ar roue João VI hag an Tiegezh Bragança da Vrazil, war vourzh al lestr Príncipe Real (« priñs roueel »). Trevadenn bortugalat e oa Brazil d'an ampoent. Degouezhout a rejont e Salvador da Bahia d'an 2 a viz Genver 1808. Goude-se ez ejont da chom da Rio de Janeiro, d'ar Paço da Cidade, palez an impalaer diwezhatoc'h.

E Mae 1810 e timezas Teresa da Pedro Carlos de Borbón, infant Spagn. E 1812 e varvas Pedro, ha setu Teresa intañvez.


Brezel-diabarzh[kemmañ]

Ne oa ket troet Maria Tereza gant ar mennozhioù nevez, ha harpañ a reas he breur Miguel Iañ a-hed Brezel-diabarzh Portugal (eus 1826 da 1834). Kemend-all a ra gant he breur-kaer Carlos de Borbón e Spagn.

Carlos[kemmañ]

E miz Here 1838 ec'h addimezas d'hec'h eontr ha breur-kaer Carlos María Isidro de Borbón, a oa pemp bloaz koshoc'h egeti. Hennezh a oa intañv he c'hoar yaouankoc'h Maria Francisca de Assis, marvet e 1834. En Azpeitia, e Gipuzkoa, e voe graet an eured.

Fin he buhez[kemmañ]

E-pad bloavezhioù diwezhañ ren Fernando VII, e vevas Maria Tereza e Madrid gant he mab Sebastião. Met goude marv ar roue en 1833, ha hini he c'hoar Maria Francisca de Assis en 1834, e pellaas eus an tiegezh roueel hag e voe unan eus renerien ar garlouriezh, pa gemeras perzh e kentañ brezel ar garlouriezh (1833-1846), a-enep he c'heniterv Isabel II.

Dimezioù ha bugale[kemmañ]

Carlos de Borbón, Kont Molina (1788-1855)

Div wech e timezas:

Harlu ha marv[kemmañ]

En 1845 e tilezas he fried Carlos e wirioù war ar gurunenn gant e vab Carlos, a gemeras an titl a Carlos VI. Carlos kozh a varvas en Trieste, a szo hiriv en Italia.

Tost da dregont vloaz goude, en 1874, e varvas María Teresa, a oa bet intañvez e-pad naontek vloaz.