Margaret of Huntingdon (Dukez Breizh)
Margaret of Huntingdon, anavezet e Breizh evel Marc'harid Bro-Skos (1145–1201), a oa ur briñsez skosat-saoz hag a zeuas da vout Dukez Breizh.
He buhez[kemmañ | kemmañ ar vammenn]
Merc'h e oa da Herri Bro-Skos (Eanric mac Dabíd) (1114 – 1152), ha da Ada de Warenne. He zad a oa hêr da gurunenn Bro-Skos, ha 3de Kont Northumbria, ha 3de kont Huntingdon ha Northampton.
Teir c'hoar he doa Marc'harid, he c'hoar henañ Ada, ha div all yaouankoc'h egeti, Marjorie ha Matilda. Daou eus he breudeur a voe rouaned Bro-Skos, Malcolm ha William, hag ar breur all, David, Kont Huntingdon, a zimezas da Maud of Chester. He zud-kozh a-berzh tad e oa David Iañ Bro-Skos ha Maud, Kontez Huntingdon, hag he zud-kozh a-berzh mamm e oa William de Warenne, 2vet Kont Surrey hag Elizabeth of Vermandois.
E 1152 e varvas he zad, ha hi 7 vloaz.
Dimezioù ha bugale[kemmañ | kemmañ ar vammenn]
Teir gwech e timezas Marc'harid:
- da gentañ e 1160, da Konan IV (war-dro 1138 - 1171), Dug Breizh ha Kont Richmond, 24 bloaz koshoc'h egeti; dugez Breizh ha kontez Richmond e oa Marc'harid neuze;
- ur verc'h o doe, Konstanza (1161 – 1201), dugez Breizh; dimeziñ a reas teir gwech;
Mervel a reas Konan e miz C'hwevrer 1171, ha 26 vloaz e oa Marc'harid. A-raok Pask er bloavezh-se ec'h addimezas.
- da Humphrey de Bohun (c. 1155–1181/2), Konestabl Bro-Saoz.
- ur mab o doe, Henry de Bohun (1176 – 1220);
- ur werc'h o doe, Matilda de Bohun[1].
Mervel a reas Humphrey e 1181, hag addimeziñ a reasda Sir William fitz Patrick de Hertburn, a oa perc'henn da zouar Washington e Durham in 1183. Ur mab o doe:
He marv[kemmañ | kemmañ ar vammenn]
Mervel a reas e 1201, beziet e voe en abati Sawtrey en Huntingdonshire.
- ↑ The Great roll of the pipe for the thirty-first year of the reign of King Henry the Second, A.D. 1184-1185, p 206