Marcus Valerius Messalla Rufus
Marcus Valerius Messalla Rufus a oa ur Roman a renk uhel, mab da vMarcus Valerius Messalla Niger ha tad da vMarcus Valerius Messalla Corvinus, a voe konsul e 53 kent JK.
Unan eus skoazelloù Julius Caesar e oa.
Goude e gonsulvezh ez eas bihanoc'h e levezon abalamour da zilennadegoù ragaozet. Div wech e voe tamallet. En dro gentañ e voe disklêriet digablus, petra bennak ma oa anat e oa kablus, abalamour d'an helavar ma voe e eontr Quintus Hortensius Hortalus; en eil tro avat e voe kondaonet.
E-pad ar brezelioù diabarzh e voe ofiser e tu Julius Caesar ha gant-se e voe aezetaet dezhañ adkavout e enor. Dianav eo e vuhez goude, met hir e voe.
Bez' e oa bet e-touez ar re yaouankañ dilennet e-barzh an aogured, hag e-pad 55 bloaz e voe gant ar garg a veleg-se. Pa en em dennas e savas istor e diegezh kozh evit lakaat diskred war an doare ma kinnige lod o hendadoù ha mirout ouzh Valerii all da embann hendadoù gaou.
Oberenn[kemmañ | kemmañ ar vammenn]
Kollet eo e oberenn, met anavout a reer tammoù anezhi gant ar menegoù niverus graet gant Plinius Kozh en e Istor naturel ma ra ar «Messala gozh» anezhañ[1].
Levrlennadur[kemmañ | kemmañ ar vammenn]
- Ronald Syme, La révolution romaine, Paris, 1967.
Notennoù[kemmañ | kemmañ ar vammenn]
- ↑ Istor naturel, 34, 137