Lusia

Lusia zo un anv-badez brezhonek, deuet diwar anv meur a santez katolik, gwelit Santez Lusia. Hervez Geriadur Vallée e vefe Lisenn ar stumm brezhoneg, ha Lisig ar berradur.

Gerdarzh

Dont a ra eus an anv latin Lucia, furm wregel an anv Lucius, savet diwar ar ger "lux", a dalv kement ha "gouloù". An hevelep gwrizienn a gaver

• en anv doue Lug gant ar Gelted kozh, hag ar verb lugerniñ
• en anv an doue Lusifer.

Er yezhoù all

Skrivet e vez

• Lucia en italianeg
• Llúcia e katalaneg
• Lúcia e portugaleg
  • Lúcia dos Santos, ur plac'hig a welas ar Werc'hez e Fatima e Portugal e 1917 .
• Lucía e spagnoleg (met kavet e vez Lucia evel anv-tiegezh).
  • María Lucía Hiriart, gwreg diktatour Chile, Augusto Pinochet
  • ''Lucía y el sexo , ur film spagnolek

Stummoù all d'an anv e yezhoù all

Lucy , Australopithecus afarensis a vicher, abaoe 3 200 000 bloaz

Lucy Pinder, kar a-bell d'an Australopithecus afarensis, ganet e 1983.

• Lucy e saozneg.

• Lucie e galleg.

Stummoù kar

• Lusiana (e brezhoneg) pe Luciana e yezhoù latin, adstumm diwar al latin

• Lucille pe Lucile (ral a-walc'h), e galleg hag e saozneg , dreist-holl e SUA
  • anv div ganaouenn amerikan (da vihanañ), an eil krouet gant Little Richard, eben gant Kenny Rogers,
  • anv gitaroù B.B. King, gwelit en:Lucille (guitar)

• Lucinda, un anv a gaver en Italia hag e Spagn, ha boutin a-walc'h e SUA,
  • Lucinda Williams,
    • anv ur ganerez amerikan "country" brudet ha meulet e SUA,
    • ha hini un atletourez amerikan ivez, gounezet ganti ur vedalenn aour e C'hoarioù olimpek Roma e 1960
  • Lucinda Ruh, ruzikerez suis
  • anv ur gêr e Queensland, en Aostralia

• Luz e spagnoleg
  • ar ganerez brudet Luz Casal

• Luce, Lucette, Lucienne, Lucinde,, e galleg
  • Lucinde, anv div blac'h a gaver e daou bezh gant Molière, Le Médecin malgré lui (Ar Medisin a-enep dezhañ) , ha L'Amour médecin (Ar Garantez medisin), a c'hallfe dont eus an anv Lucinda, tapet eus ar c'hoariva italianek (evel anvioù tud all gant an oberour)
  • Claude Lucette Evans, keltiegourez kanadian, a weler hec'h anv (Claude Evans hepken) war eil levrenn "A Dictionary of old Breton" (embannet e Toronto) e-kichen hini Léon Fleuriot.

Damheñvel

• Luci, pe Lluci, zo un anv-badez katalanek roet d'ar baotred hag a glot gant Lusian, ha Llúcia eo ar furm wregel anezhañ.

A yezh da yezh

An anv e yezhoù all
Idioma	Troidigezh	Idioma	Troidigezh
Galiseg	Lucía	Daneg	Lucia
Katalaneg	Llúcia	Norvegeg	Lucia
Galleg	Lucie	Svedeg	Lucia
Italianeg	Lucia	Ruseg	---
Portugaleg	Lúcia	Tchekeg	---
Saozneg	Lucy	Poloneg	Łucja pe Lucja
Alamaneg	Lucia pe Luzie	Slovakeg	Lucia
Izelvroeg	---	Fineg	---
Euskareg	---	Gregach	Λουκία (Loukîa)
Brezhoneg	Lusia, Lisenn	Iwerzhoneg	---

Steredoniezh

• an asteroidenn 222 Lucia.