Lucretia
Lucretia (Lucrezia en italianeg) zo ur vaouez eus istor mojennel Roma, hervez m'eo kontet gant Titus Livius.
Merc'h e oa da Spurius Lucretius ha gwreg da Lucius Tarquinius Collatinus. Brudet e oa he c'hened ha brudetoc'h c'hoazh he vertuz.
Ar roue Tarquinius, pe Lucius Tarquinius Superbus (superbus, a dalv kement ha "lorc'h ennañ"), roue diwezhañ Roma, en doa ur mab, Sextus Tarquinius, un den feuls ha drouk, en doa c'hoant da louzañ vertuz ar wreg feal.
Un deiz ma oa bet pedet mab ar roue gant e bred da di an daou bried e wallas Lucretia, hag e reas evel-se daou dorfed war un dro: unan a-enep ur wreg roman, unan all enep lezennoù an degemerusted .
Pa voe aet kuit an torfedour e c'halvas Lucretia he zad hag he fried ha Lucius Junius Brutus a oa gante. Goude displegañ dezho petra a oa c'hoarvezet, ha goulennet digante he dialañ, en em lazhas dirake gant ur gontell.
Neuze ez eas ar wazed a oa en-dro dezhi da sevel ar bobl, ha Lucius Junius Brutus en o fenn, o tiskouez korf ar wreg lazhet, hag int ha kerzhout war-du Roma.
Erru eno e savjont ar bobl adarre a-enep tiegezh ar roue, ha diskar ar roueelezh.
Edo ar roue Lucius Tarquinius Superbus o vrezeliñ pellik diouzh Roma, setu e rankas distreiñ buanañ ma c'hallas, met pa zegouezhas e oa kloz perzhier kêr, ma rankas mont en harlu da Etruria.
Hervez ar vojenn eta eo war-lerc'h gwallidigezh Lucretia e voe savet ar Republik e -509.
[kemmañ] Skrid
Gwallidigezh Lucretia zo bet kontet gant Titus Livius e dibenn e levr kentañ (chap. 58-60) eus e Istor Roma.
[kemmañ] En arzoù
Gwallidigezh hag emlazh Lucretia zo bet
- livet meur a wech, gant Tizian, Veronese, Rembrandt, Dürer, Raffaello, Sandro Botticelli, Paolo Veronese, Jörg Breu the Elder, Johannes Moreelse, Simon Vouet, ha re all.
- kontet e
- The Legend of Good Women, ur varzhoneg eus 1380 gant Geoffrey Chaucer,
- The Rape of Lucrece,ur varzhoneg eus 1594 gant William Shakespeare a venegas anezhi ivez en e bezh-c'hoari ( Titus Andronicus);
- Two ladies fair, but most unfortunate
- Have in their ruins rais'd declining Rome,
- Lucretia and Virginia, both renowned
- For chastity
- (Titus Andronicus)
-
- The Rape of Lucrece, ur pezh-c'hoari eus ar bloavezh 1607 gant Thomas Heywood;
- Lucrèce, un drajedienn eus 1566 gant Nicolas Filleul, ;
- Le Viol de Lucrèce, ur pezh-c'hoari eus 1931 gant André Obey;
- ha kanet
- e The Rape of Lucretia, un opera gant Benjamin Britten e 1946 .
[kemmañ] Gwelout ivez
a vo kavet e Kerandafar, ar sanailh ma vez klenket dafar ar Wikipedia.
- http://www.artsmia.org/viewer/detail.php?v=12&id=529. Livadur Rembrandt.
- Lucretia gwallet, gant Titus Livius.
- A bep seurt diwar-benn Lucretia
