Lois Kuter
Lois Kuter a zo ur gelennerez skol-veur hag ur virourez mirdi stadunanat war ar sonouriezh-werin. Pa oa o sevel un dezenn war sonerezh ar bobl hag hini Bro-Iwerzhon da-gentañ holl eo deuet da vezañ dedennet gant ar c'han brezhonek ha diouzh-se gant statud ar brezhoneg. Bet eo unan eus diazezerien skourr stadunanat an International Committee for the Defence of the breton Language (ICDBL = C'hengor etrebroadel evit difenn ar brezhoneg) hag eo-hi e genurzhierez, ur c'hantad a izili ennañ.
Buhez[kemmañ | kemmañ ar vammenn]
Deuet e oe da Vreizh e 1978 evit he studioù hag e reas ur gejadenn a-bouez pa selaou a reas ouzh sonadegoù ar Gevrenn Alre. Setu perak he deus talc'het da lakaat ar Gevrenn da gemer perzh e ambrougadeg Sant Padraig e Nevez-York e Meurzh 2007.
Ur wech distroet da SUA e lakaas da embann ur gelaouennig saoznek "Bro Nevez" e 1980 hag e 1981 e kemeras-hi perzh da grouidigezh an ICBDL.
Produet he deus abadennoù sonerezh vreizhek war ar skingomz stadunanat (muioc'h evit 120 anezho).
E 1995 e resevas digant Skol-Uhel ar Vro kolier Urzh an Erminig evit he labour evit Breizh. Maeronez Skol Diwan Landerne eo.
Liammoù diavaez[kemmañ | kemmañ ar vammenn]
Lec'hienn an International Committee for the Defence of the breton Language (ICDBL).
Roll ar re o deus resevet kolier Urzh an Erminig war lec'hienn Skol-Uhel ar Vro (gant poltred Lois Kuter)