Llanelwy

Gwel eus kêr Llanelwy

Llanelwy ( pe St Asaph e saozneg) zo ur gêr vihan eus Sir Ddinbych en hanternoz Kembre, ha penn Eskopti Llanelwy en Iliz Anglikan Kembre (Yr Eglwys yng Nghymru).

Gerdarzh

Dont a ra an anv Llanelwy eus anv ar stêr Elwy. Asaph, pe Asa, eo anv ar sant brezhon, a voe eil eskob Llanelwy war-lerc'h Kentigern.

Douaroniezh

Emañ etre ar stêrioù Elwy ha Clwyd, war dro div lev hanter er c'hreisteiz da'r Rhyl ha peder lev en hanternoz da gêr Dinbych.

Istor

Hervez an hengoun e voe savet an eskopti gant Cyndeyrn, anvet ivez Kentigern pe Mungo, war-dro kreiz ar VI^vet kantved.

E Sir y Fflint e oa gwechall.

Monumantoù ha traoù heverk

• Iliz-veur Sant-Asaph.

Poblañs

3 491 den hervez niveradeg 2001.

Gevelliñ

Gevellet eo Llanelwy gant Bear e Bro-Dreger.

Tud

E-touez brudetañ eskibien Llanelwy emañ

• Jafrez Menoe, anvet e 1152,
• Dafydd ab Owain, Eskob Llanelwy - eskob 1503-1512
• William Morgan, troour ar Bibl e kembraeg.