Lila

Lila zo un anv-badez brezhonek, meneget en deiziadurig brezhonek,^{(Daveoù a vank)} hag e Geriadur Vallée.

En deiziadurig brezhonek embannet gant Kuzul ar Brezhoneg bep bloaz e lenner ez eus eus ur santez Lila, lidet d'ar 16 a viz Kerzu. N'ouzer netra diwar he fenn avat.
E Geriadur Vallée eo meneget e-kichen an anv Eulalia, anv div santez spagnol.

Yezhoù all

Anavezet eo ivez e broioù all hag e yezhoù all.

• A-hervez e vije^{(Kaoz dispis)} un anv indezat ivez, o talvezout kement ha kened.^{(Daveoù a vank)}
  • Lilavati a vefe^{(Kaoz dispis)} un anv deveret diwarnañ, hag anv un arnodskrid diwar-benn ar jedoniezh, savet en XII^vet kantved gant Bhaskara.^{(Daveoù a vank)}
• Berranv Delilah e c'hall bezañ, distaget /'Lajla/. met peurvuiañ e vez skrivet Lilah.
• Un adstumm d'an anv semitek Leila, a dalv kement ha noz, e c'hall bezañ ivez.
• Lila eo anv (spagnolek) al lireuenn.

Tud

Lila Lee

Lila Downs war ul leurenn

• Lila Downs (ganet e 1968), kanerez vec'hikan
• Lila Karp, skrivagnerez stadunanat, stourmerez evit gwirioù ar merc'hed
• Lila Kedrova, aktorez c'hall
• Lila Lee (1901-1973), aktorez stadunanat
• Lila McCann, kanerez stadunanat
• Lila Morillo (ganet e 1940), aktourez venezuelat.
• Lila Zemborain‎ (ganet e 1955), barzhez arc'hantinat

Lennegezh

• Lila, ur pezh-c'hoari alamanek gant Kerstin Specht e 1990
• Lila: An Inquiry into Morals, eil romant an oberour stadunanat Robert M. Pirsig e 1991
• Die Farbe Lila, anv alamanek ar romant saoznek The Color Purple, gant ar skrivagnerez stadunanat Alice Walker

Douaroniezh

• Lila, ur menez-tan en Arc'hantina
• Lila (Bohol) , ur gumun er Filipinez
• anv spagnolek kozh Lille, hiriv e Bro-C'hall

Pennadoù kar

• Leila
• Leela
• Leelavathi
• Lilas
• Lilah