Levrioù ar vugale

Levrioù ar vugale a oa un dastumad levrioù-bugale embannet gant Al Liamm er bloavezhioù 1950.

Darn eus al levrioù-se zo kontadennoù tennet eus al levr gallek Les Contes de ma Mère l'Oye, gant Charles Perrault, embannet e 1697, pe eus al levr alamanek kontadennoù Grimm, embannet e 1812, hogen azasaet ha skeudennaouet.

Diouzh a ouzer eo pe gant Pêr ar Bihan pe gant Pêr Denez e oa savet ar skridoù. Ral eo lenn o anvioù war al levrioù avat.

Al levrioù

1. Paotr e varo glas
2. Merc'hig ar rozenn
3. Ar c'hemener bihan kalonek
4. Robinson Kruzo
5. Istor Meudig
6. Ar Goantenn e Koad ar C'housk
7. Ar c'hazh gant heuzoù ler
8. Luduennig
9. Kabellig Ruz
10. Gwenn-erc'h hag ar seizh Korrig (1957)
11. Kistinenn
12. Gwennig ha gwenola
13. Mojennoù (1961). Kinniget eo al levr evel un dastumadig mojennoù skrivet hervez Jean de La Fontaine. 11 mojenn zo el levr, 2 savet gant Yeun ar Gow, ar re all gant Paotr Treoure.
14. Kroc'hen Azen
15. Ar c'havr hag he givri buhan
16. Istor ar Mabig Jezuz
17. Rozenn wenn ha rozenn ruz
18. Perig hag ar briñsez
19. An Eostig
20. Bleiznoz nedeleg
21. An tri borc'hell roz
22. Ar pevar soner
23. An ti bara-mel (1963). Istor Hänsel ha Gretel eo, adkontet diwar kontadenn Grimm, gant Per Denez.
24. An tri ourz
25. Ar c'hi kalonek
26. Perig ar Meud (1966)
27. Alanig al Louarn