Leonor Kastilha (rouanez Navarra)

• Ur pennad Leonor Kastilha zo ivez.

Leonor Kastilha, pe Leonor Gaztelakoa en euskareg, pe Leonor de Trastámara pe Leonor Enríquez (diwar anv he zad Enrique) e spagnoleg, ganet goude 1363 ha marvet e 1416, a oa infantez Kastilha, ha rouanez Navarra.

Merc'h e oa da Herri II Kastilha (Enrique de Castilla) ha da Juana Manuel Kastilha, itron Villena, Escalona ha Peñafiel.

Dimeziñ a reas e 1375 da Carlos III Navarra. Gant an eured-se e voe echu an tabutoù dizehan a veze etre Kastilha ha Navarra.

Bugale

Eizh bugel o doe.

• Juana (1383 - Gouhere 1413), dimezet da Juan III, kont Foix.
• Blanca Iañ de Navarra (1386 - Santa Maria de Nieva, 1441), pried da Yann II Navarra, rouanez Navarra goude marv he zad, adalek 1425 betek he marv e 1441;
• María (1388 - a-raok an 8 a viz Gwengolo 1425).
• Margarita (1390 - 1403/25),
• Beatriz (1392-1415), dimezet da Jakez II Bourbon, kont Marcha.
• Isabel (1395 - goude an 31 a viz Eost 1435), dimezet da Jean IV, kont Armagnac.
• Carlos (Pamplona, 15 a viz Eost 1397 - 12 a viz Eost 1402), Priñs Viana, marvet da 5 bloaz.
• Luis (Olite, 1402 - 14 a viz Here 1402), Priñs Viana.