Leonin

Eus Wikipedia
Mont da : merdeiñ, klask

Leonin, anvet ivez Leoninus, Leonius pe c'hoazh Leo, a oa ur sonaozour hag a aoze liessonegezhioù evit an ograoù. Ganet eo tro 1150 ha marv tro 1201. Gall e oa sur a-walc'h ha bevet en defe e Pariz. Labouret en deus en Iliz-Veur Notre-Dame a-hed e vuhez. Eñ eo en deus savet an "Ecole Notre-Dame". An anv Leonin a teu eus Leoninus e latin deuet da vezañ Leo, o vezañ marteze lezanv Leonin e-pad e vuhez. Leonin a zo ar soner gall kozhañ anavezet betek poent. An dielloù adkavet diwar e-benn a zo lizherioù bet skrivet gant ur studier Saoz (lesanvet Anonyme IV) eus an "Ecole Notre-Dame" hag en deus savet ur studiadenn-kelennadurel, enni e kaver anv Leonin displeget evel unan eus gwellañ sonaozerien organa (organum en unander, unan eus doareoù kentañ liessoniñ ar grenamzer eo) hag evel krouer ar Magnus Liber Organi, "Levr bras an organa", hag a zo bet adskrivet ha gwellaet da c'houde gant Perotin.