Leda hag an alarc'h

Ur marelladur eus Kiprenez, war-dro an IIIde kantved kent JK

Leda hag an alarc'h, gant Paolo Veronese.

Leda hag an alarc'h zo un dodenn gozh el livouriezh, brudet abaoe ar XVIvet kantved, deuet eus ur vojenn eus Hellaz kozh.

Ar vojenn

Gant François Boucher.

Gant François Boucher.

Leda a oa gwreg Tindareos, roue Sparta. Dont a rae Zeus, e stumm un alarc'h da weladenniñ pe d'he gwallañ. Daou vab gevell he devoe Leda, Kastor ha Polideukes, an Dioskured.
Hervez un doare nevesoc'h eus ar vojenn e tougas war un dro Helena ha Polideukes, bugale da Zeus, ha Kastor ha Klitemnestra, bugale d'he gwaz. Hag e tozvas daou vi ma oa pep a zaou vugel.
Hervez un doare all c'hoazh e oa Helena merc'h da Nemesis, doueez an drouziwezh a ranke kouezhaén war choug ar re a c'houzañve diwar lorc'h Hubris.

Erotegezh

Er XVIvet kantvede oa dereatoc'h diskouez ur vaouez oc'h embarañ gant un alarc'h eget gant ur gwaz. Dañjerus e vije bet zoken en amzer an Azginivelezh.

Arouez kalc'h ar gour eo pigos an alarc'h.

Livadurioù

Meur a livour en deus taolennet ar vojenn:

• Correggio.
• Bacchiacca
• Jacopo Pontormo
• Leonardo, taolennaet da goll, anavezet dre un eillivadur.
• Michelangelo, taolenn aet da goll, anavezet dre un eillivadur.
• Paolo Veronese.
• En XVIIIvet kantved
  • • Div daolenn gant François Boucher.
• En XIXvet kantved
  • François-Édouard Picot
  • Paul Cézanne
  • Gustave Moreau

Barzhoniezh

Studienn evit penn Leda, Leonardo da Vinci, war-dro 1506, liv ha pluenn war gleiz du

• La Défloration de Lède, barzhoneg c'hallek gant Ronsard er XVIvet kantved, awenet marteze gant taolenn gollet Michelangelo. Anv a ra eus ar pigos o vont e gouhin Leda .
• Leda, barzhonek spagnolek gant ar barzh Rubén Darío, e 1892
• Leda and the Swan, sonedenn saoznek gant William Butler Yeats , embannet e 1928. Kontet eo da vezañ unan eus gwellañ barzhonegoù Yeats .

Istor

Leonardo da Vinci a grogas d'ober studiennoù e 1504 evit ullivadur, ha ne grogas ket gantañ da vat, ma vije gwelet Leda en he c'hoazez gant he bugale.
E 1508 avat e livas un daolenn all diwar-benn ar vojenn ma weled Leda en he sav, hag enhe noazh, o flourañ an alarc'h, gant an daou goublad gevelled, ha melloù kloroù vioù torret. Aet eo an daolenn da goll, marteze distrujet, gant al livour e-unan pe gant unan all, met anavezet eo dre veur a eillivadur.

Pennad kar

• Leda hag an alarc'h (Leonardo)

Livadurioù

• 

  Leda hag an alarc'h, eillivadur diwar un daolenn gollet diwar zorn Michelangelo, 1530. National Gallery, Londrez.

• 

  Eillivadur gant Cesare Sesto diwar oberenn gollet Leonardo da Vinci, 1515-1520, Wilton House, Bro-Saoz.

• 

  Gant Correggio.

• 

  Gant Bacchiacca

• 

  Gant Jacopo Pontormo

• 

  Gant François-Édouard Picot

• 

  Leda, gant Gustave Moreau (1826–1898)

• 

  Leda hag an alarc'h gant Paul Cezanne, war-dro 1880-1882, Barnes Foundation Collection, Merion, Pennsylvania