Lamia (euzhvil)

Eus Wikipedia
Mont da : merdeiñ, klask
Ur pennad Lamia zo ivez.
Lamia livet gant Herbert James Draper, 1909
Lamia livet gant John William Waterhouse (1909); taolit pled ouzh ar c'hroc'hen naer war he barlenn.

Lamia (Λάμια e henc'hresianeg) pe Sybaris (Σύϐαρις e henc'hresianeg) a oa rouanez Libia, ha dont a reas da vezañ un euzhvil, hanter sarpant, hag a zebre bugale.

Skridoù[kemmañ]

Er skridoù nevesoc'h eo lakaet hec'h anv el liester, lamiai e gregach.[1]
N'eo ket ar vaouez nemeti kinniget evel euzhvil e mojennoù Hellaz: an empusa, ar mormo zo ivez. N'eus nemeti avat he dije hantergorf ur vaouez, ha hantergorf ur sarpant.[2] Laimos a larer e gregach eus ar gorzenn-voued, ha debriñ bugale eo a rae Lamia.[3]


Mojenn[kemmañ]

Merc'h e oa Lamia d'an doue Poseidon ha da Libia,[4] a oa deneladenn ar vro anvet Libia. Rouanez Libya e oa, ha karet gant Zeus.[5]

Hera a glevas an doare hag a laeras bugale Lamia. Da-heul kement-se e troas Lamia en un euzhvil konnaret hag a grogas da lazhañ bugale. Evit he sioulaat e roas Zeus dezhi ar galloud da ziouganañ ha da dennañ he daoulagad[6]. Pe e voe troet gant Hera en un euzhvil, pe e teuas da vezañ goude lazhadeg hec'h holl vugale (war-bouez Skilla), pe e oa merc'h da Hekate.[7] Hervez Ploutarc'hos [8] e c'halle lemel he daoulagad eus o foulloù hag o adlakaat en o lec'h. Diwezhatoc'h e voe kontet e oa un donezon deuet a-berzh Zeus, ha diwezhatoc'h c'hoazh e veze lavaret e oa bet taolet warni ur mallozh hag abalamour da hennezh n'halle ket serriñ lagad ebet ken e wele he bugale lazhet dizehan.

Lennadurezh[kemmañ]

Notennoù[kemmañ]

  1. Ar gens roman Lamiae, kar d'ar gens Aeliae( Horatio, Odes 3.17, da Aelius Lamia) ha tost da Formiae, n'he doa darempred ebet gant an anv gresianek.
  2. Theoi Project: "Lamia"
  3. Aristophanes, Ar Gwesped, 1177.
  4. Diodorus Siculus, Levraoueg Istorel xx.41.
  5. Aristophanes, Peoc'h.
  6. Bell, Women of Classical Mythology, drawing upon Diodorus Siculus 22.41; Suidas 'Lamia'; Plutarch 'On Being a Busy-Body' 2; Scholiast on Aristophanes' Peace 757; Eustathius on Odyssey 1714) (Mythology dictionary C20th)
  7. Odyssey12.124 ha scholia, hervez Karl Kerenyi, Gods of the Greeks 1951:38 notenn 71.
  8. Plutarch, De curiositate, 2.

Munudoù[kemmañ]

Kemeret e oa bet an anv Lamia gant Thyraud de Vosjoli e-pad an Eil Brezel-bed. Kaoz eus e droioù a zo en e levr Lamia, hag er film Topaz, e 1969.

Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.