Lailaps

Eus Wikipedia
Mont da : merdeiñ, klask

Lailaps (Λαῖλαψ Lailaps, “avel gorvent”), pe Lelaps, a oa ur c'hi hud e mojennoù Hellaz. Profet e oa bet pe gant Zeus d'e serc'h Europa, pe gant Artemis d’ur briñsez anvet Prokris. Dalc'hmat e tape e breizh pan ae da chaseal.

Marv Prokris, gant Piero di Cosimo, war-dro 1490, Londrez, National Gallery. Ar c'hi Lailaps an hini zo en dorn dehou.

Degouezhout a reas ar c'hi gant ar roue Minos, roue brudet Kreta. Ar roue-se a oa bet milliget gant e wreg: e sper a oa skorpioned ha kevnid a grigne gaol e serc'hed, pezh ne oa ket evit aesaat ar vuhez. Skoazell a c'houlennas digant Prokris, a oa en Aten. Ha hi d'e bareañ.
En eskemm ouzh he skoazell e roas da Brokis ar c'hi Laelaps hag ur goaf hud ha ne c'hwite gwech ebet. E doareoù all eus ar vojenn he devoa bet Prokis ur ramz arem anvet Talos ouzhpenn.