Kulturforum

Eus Wikipedia
Mont da : merdeiñ, klask
PanoBerlin07.jpg
Berlin Philarmonie, ijinet gant Hans Scharoun
Staatsbibliothek zu Berlin (levraoueg stad Berlin), ijinet gant Hans Scharoun


Kulturforum a zo un hollad savadurioù gouestlet d’ar sevenadur e Berlin, nepell eus Potsdamer Platz. Savet eo bet er bloavezhioù 1950 ha 1960 war harzoù Berlin ar C’hornôg. Unan eus perzhioù Kulturforum eo an doare m’eo bet savet an savadurioù a gaver ennañ : diazezet int war steuñvioù ha mennozhioù modern savourien evel Hans Scharoun pe Mies van der Rohe. Goude m’en defe bet Scharoun mennozh Kulturforum, e voe lakaet Rolf Gutbrod e karg eus ar raktres e 1968. Ar pal a oa sevel savadurioù a vefe mirdioù enno. Lakaat a reas sevel mirdi an arzoù-kinklañ (Kunstgewerbemuseum) ha kerkent e savas tabut abalamour d’e stumm postek an d’an aozañ diabarzh hag a oa luziet. Kenderc’hel a reas al labourioù e 1988, kaset gant ar savourien Hilmer ha Sattler. Klask a rejont aozañ un hollad savadurioù kenglotus hag e lakjont sevel ur mirdi nevez, hini al livouriezh (Gemäldegalerie). Peursavet e voe e 1998. Ouzhpenn an daou virdi-se e kaver hiziv an deiz al levraoueg arzoù (Kunstbibliothek) ha kambrig an engravadurioù (Kupferstich kabinett). E-touez an ensavaduriù sevenadur staliet e Kulturforum pe tro-dro emañ ar re da heul :

  • Neue Nationalgalerie (1965–1968, Ludwig Mies van der Rohe)
  • Gemäldegalerie (1998, Heinz Hilmer ha Christoph Sattler)
  • Kupferstichkabinett (Sammlung der Zeichnungen und Druckgraphik)
  • Kunstgewerbemuseum (1978, Rolf Gutbrod)
  • Musikinstrumenten-Museum (1984, Edgar Wisniewski)
  • Berliner Philharmonie (1960–1963, Hans Scharoun)
  • Kammermusiksaal (Hans Scharoun, Edgar Wisniewski)
  • Staatsbibliothek zu Berlin (1967–1976, Hans Scharoun)

Liamm diavez[kemmañ]