Kourtizanez

Eus Wikipedia
Mont da : merdeiñ, klask
Veronica Franco, a oa barzhez ha kourtizanez e Venezia er XVIvet kantved.
Poltred ar Vreizhadez Louise de Kéroualle, gant al livour saoz Peter Lely. Serc'h ar roue saoz Charlez II e oa.
Madame de Pompadour, a oa serc'h ar roue gall Loeiz XV.

Ur gourtizanez (eus ar ger gallek courtisane) a veze lavaret e brezhoneg eus ar merc'hed a renk uhel a werzhe o c'horf da dud pinvidik ha galloudus.

Gerdarzh[kemmañ]

Hervez istor ar ger gallek e oa kaoz eus tud e lez ar roue a oa prest d'e servij. Tud a lez ne oa ken da gentañ. Met tamm ha tamm e voe prest lod merc'hed da servij ar roue betek en e wele.
En Italia an Azginivelezh e oa brudet lod merc'hed da vezañ kourtizanezed, da lavarout eo gisti a renk uhel. D'ar mare-se eo e veze kaoz eus Kourtizanez Veur Babilon, a yae dorn-ha-dorn gant an Antekrist. En un engravadur brudet eus 1498 gant Albrecht Dürer e weler anezhi evel ur gourtizanez eus Venezia, bet livet gantañ un nebeud bloavezhioù kent

Er XVIIvet ha XVIIIvet kantved e oa brudet kourtizanezed ar rouaned c'hall Loeiz XIV ha Loeiz XV, hag Antoinette Voisin dreist ar re all, ha re ar roue saoz Charlez II.

E dibenn an XIXvet kantved e oa brudet kourtizanezed evel Caroline Otero ha Liane de Pougy ha serc'hed ar roue saoz Edouarzh VIII, evel Lillie Langtry pe Hortense Schneider.

El lennegezh[kemmañ]

Amañ ne vez graet kemm ebet etre gast ha kourtizanez:

Na c’hwi, kourtizanez, gant ho lapous bihan,
C’hwi a zo ur c’hast fall en servij ar re-mañ

Sainte Tryphine et le Roi Arthur, Fañch an Uhel, 1863. p.110

Kourtizanezed brudet[kemmañ]

Betek ar XVvet kantved[kemmañ]

XVIvet kantved[kemmañ]

XVIIvet kantved[kemmañ]

XVIIIvet kantved[kemmañ]

XIXvet kantved[kemmañ]

El lennegezh[kemmañ]