Koef

Ur Vigoudenn e koef

Ur c'hoef zo ur pennwisk a veze gant ar merc'hed diwar ar maez, e Breizh hag e meur a vro all, betek deroù an XXvet kantved. Dont a ra moarvat eus ar boned a zo bet kaeraet gant an amzer.

Yezh

Maouezed o lakaat kaoc'h-saout da sec'hañ, en Enez Vriad. Daoust pe koefoù pe bonedoù zo ganto?

Dont a ra an anv eus ar ger gallek coiffe, hag a dalveze evit kement tra a vez lakaet war ar penn, un tamm evel ar boned eta. E saozneg e lavarer bonnet, a vez troet e brezhoneg gant boned alies. Goude d'ar gerioù bezañ hañval a orin eo disheñvel o ster .

Koefoù Breizh

Koefoù a veze gwelet c'hoazh gant ar re gozh en un nebeud kornioù, Bro-Vigoudenn ha Plougastell-Daoulaz dreist-holl, e dibenn an XXvet.
E miz meurzh 2011 e oa poltred ar Vigoudenn koefet diwezhañ war golo ar gelaouenn Bretons. Hiziv e vezont douget dreist-holl gant merc'hed ar C'helc'hioù Keltiek ha kentoc'h e-pad an hañv pa vez dibunadegoù folklorel.

Kerne

Bro ar c'hoefoù e oa Kerne.

Treger

E Treger e veze douget ar c'hoef gant ar merc'hed kozh betek dibenn ar bloavezhioù 1960.

Koefoù

• Ar penn-sardin eo anv koef Douarnenez
• Ur sparlenn eo anv koef Kastellin.
• Ur Vigoudenn a vez lavaret eus ur vaouez eus ar Vro-Vigoudenn e koef.

Dibunadegoù folklorel

• Gouelioù Kerne e Kemper
• Sant-Loup Gwengamp
• Rouedoù Glas Konk-Kerne

Liamm diavaez

Sellit ouzh ar ger koef er
wikeriadur, ar geriadur frank.

• fr:Lexique du costume breton
• http://commons.wikimedia.org/wiki/Category:H%C3%B6rnerkappe

Skeudennoù

• 

  Koef e Slovenia

• 

  Koef e Gwernenez

• 

  Koefoù e Trélou-sur-Marne, e Pikardi

• 

  Koefoù liesseurt eus an Izelvroioù

• 

  Koef eus Elzas

• 

  Bigoudenned gant o c'hoef