Klodomir

Eus Wikipedia
Mont da : merdeiñ, klask
E ruz, rouantelezh Klodomir e 511

Klodomir (war-dro 495 - 25 a viz Even 524) a voe roue ar Franked, asambles gant e vreudeur, eus 511 da 524.

Mab e oa da Hlodwig Iañ ha da Glotilde. Pa varvas e dad e 511 e voe rannet rouantelezh ar Franked etrezañ ha tri mab all Hlodwig : Thierry Iañ, Childebert Iañ ha Klotar Iañ. Roet e voe rouantelezh Orleañs da Glodomir.

Dimeziñ a reas gant Guntheuca, merc'h-vihan ar priñs burgond Godegisel, war-dro 517. Lazhet e voe e-pad ar brezel ouzh ar Vurgonded d'ar 25 a viz Even 524. Nebeut goude e voe lazhet e daou vab gant Klotar ha Childebert ha rannet rouantelezh Orleañs etreze.

Un trede mab dezhañ, Klodoald, a dec'has kuit ha mont da vanac'h. Anvet e voe da sant gant an iliz katolik, hag e anv a gaver el lec'hanv en anv Saint-Cloud.