Keginerezh Breizh

Eus Wikipedia
Ur grampouezhenn ed-du war ur billig, ledanet gant ur rozell.

Keginerezh Breizh zo enni kalz meuzioù tennet eus henvoazioù keginañ Breizh kozh pe nevesoc'h, aozet gant danvezioù eus an arvor hag an argoad pe digaset eus ar bed. Un arz poblek eo koulz hag un hevlezouriezh adijinet gant keginerien veur.

Ar c'hamprouezh, an istr, ar c'hig-ha-farz, ar galetezenn gant silzig, ar c'houign-amann, ar Petit-Beurre, ar chistr hag ar Muskadig zo e-touez ar meuzioù ha diedoù arouezelañ. Tier-krampouezh a vez graet eus ar pretioù ma c'haller debriñ krampouezh eus Breizh. Kavet e vezont stank e Breizh hag en estrenvro.

Ar meuzioù pennañ[kemmañ | kemmañ ar vammenn]

Kigoù[kemmañ | kemmañ ar vammenn]

Un asiedad kig-ha-farz.

Gwechall war ar maez e veze debret boued-hoc'h pa veze Fest an hoc'h en tiegezhioù. Setu meuzioù ha boued dibar eus Breizh graet gant kig :

Boued mor[kemmañ | kemmañ ar vammenn]

Asperjez gant amann gwenn, un hilienn ijinet gant Clémence Lefeuvre.

Hiliennoù ha temzoù-boued zo bet ijinet gant Bretoned evit ar boued-mor : amann gwenn, kari Gosse...

Pesked[kemmañ | kemmañ ar vammenn]

Pesket e vezont da vaez aodoù Breizh pe er stêrioù : sardin, brizhilli, draeneged, moru (moru mod Sant-Maloù), moulleg, sili (keusteurenn silienn-vor), boultouzed (boultouz mod Arvorig), beked (beked gant amann gwenn)... Boued kerañ Breizh eo ar stlaoñ, pesked vihan lipous ha dibaotet eus al Liger hag ar Gwilen. Pretioù zo war ribl al Liger a servij c'hoazh, gwech an amzer, stlaoñ poazhet pe fritet.

Meuzioù gant meur a besk : ar gaoteriad eus Kerne-Izel, ar Godaille, soubenn ar pesked...

Stivell mod Arvorig hag avaloù-douar frinket gant kignen ha perisilh.

Kresteneg, blotviled ha pesked-kregin[kemmañ | kemmañ ar vammenn]

Gallout a reont bezañ diskouezhet en ur bladennad boued-mor, er pretioù pe er gêr.

Meuzioù heverk : legestr mod Arvorig, ur doare da geginañ ligistri, stivell mod Arvorig, un doare da aozañ stivelled, kregin-Sant-Jakez mod Naoned...

Legumaj, edajoù ha frouezh[kemmañ | kemmañ ar vammenn]

Legumaj, frouezh hag edajoù a bep seurt a vez gounezet e Breizh.

Krampouezh[kemmañ | kemmañ ar vammenn]

Krampouezh ed-du zo sall (kaletez e Breizh-Uhel), ha krampouezh gwinizh zo dous. War ur billig pe en ur baelon e vezont poazhet. A bep seurt traoù a c'haller lakaat e-barzh.

Un "tri zra" zo ur grampouezhenn glasel gant un vi, morzhed-hoc'h ha keuz e-barzh.

An danvezioù all[kemmañ | kemmañ ar vammenn]

Gwastilli ha sukrerezh[kemmañ | kemmañ ar vammenn]

Ur petit-beurre LU.

Sellout ivez ouzh Pastezerezh Breizh.

An diedoù[kemmañ | kemmañ ar vammenn]

Laezh[kemmañ | kemmañ ar vammenn]

Gant laezh vez graet laezhajoù, laezh-ribod, amann (sall atav), yaourtoù, dienn (pe koaven), keuzioù evel Curé nantais, P'tit Breton, Petit Billy, toma (hini Rewiz, Karaez, Gevrezeg...), crémet nantais, Menez Hom, rocher nantais, Machecoulais, gourmelin, Gweltaz-Lambrizig, chandamour eus Ankiniz, Ti Pavez, Trappe de Timadeuc... Ur c'heuz a oa fardet gant menec'h Abati ar Joa e Kempenieg met ne reont ket ken.

Diedoù hep alkool all[kemmañ | kemmañ ar vammenn]

Diedoù alkoolek[kemmañ | kemmañ ar vammenn]

Muskadig seim kentañ.
Ur volennad sistr.

Ar c'hinkladurezh taol[kemmañ | kemmañ ar vammenn]

Ar poderezh hag ar feilhañserezh zo hengounioù a gaver e Breizh abaoe ar Grennamzer. Listri vrudetañ Breizh eo ar re graet e feilhañs Kemper, evel hini HB Kemper. Menegomp ivez feilhañserezh Pornizh. Ar volenn gant un anv-badez skrivet warni zo un eñvorenn eus Breizh brudet ha deuet mat gant an douristed.

Tud brudet[kemmañ | kemmañ ar vammenn]

Mestroù-keginer vrudet[kemmañ | kemmañ ar vammenn]

Un hanter-kant keginer breizhat bennak zo bet roet dezho ur steredenn da nebeutañ gant ar Sturlevr Michelin, ar sturlevr kegin brudetañ. Tri freti zo teir steredenn ganto : L'Arpège e Pariz (Alain Passard), Le V e Pariz (Christian Le Squer), La Côte d'Or preti Bernard Loiseau e Saulieu (Patrick Bertron). C'hwec'h preti zo div steredenn ganto : Anne de Bretagne e Plaen-Raez (Mathieu Guibert), Auberge des Glazicks e Ploudiern (Olivier Bellin), Le Coquillage e Sant-Meleg (Hugo Roellinger), La Villa Archange e Le Cannet e Alpoù-an-Arvor (Bruno Oger), La Table de Plaisance e Saint-Emilion (Ronan Kervarrec) ha Miramonti l'altro e Concesio en Italia (Philippe Léveillé).

Roll keginerien vrudet Breizh.

Roll ar greantelezh[kemmañ | kemmañ ar vammenn]

Degasadennoù an industriourien n'int ket dizudi : un hentenn evit mirout ar boued e boestoù gant Nicolas Appert, ar petit-beurre gant Lefèvre-Utile, ar choco BN gant ar Biscuiterie Nantaise, keuzioù a bep seurt...

Mirdioù ha gouelioù[kemmañ | kemmañ ar vammenn]

Diskouezadegoù[kemmañ | kemmañ ar vammenn]

  • "Quand les Bretons passent à table, 19e-20e siècle", Mirdi Breizh, Roazhon, 1994
  • "LU 1846-1957, un siècle d’innovation", Mirdi Naoned, Kastell Duged Breizh, 2020
  • "Quand la crêpe devient bretonne", Abati Landevenneg, 2020

Pennadoù kar[kemmañ | kemmañ ar vammenn]

Levrioù ha pladennoù[kemmañ | kemmañ ar vammenn]

  • (fr) Riwanon Kervella (radskrid Alan Stivell, tresadennoù Jiluk), La cuisine des pays celtes, Éd. Des Dessins et des Mots, coll. « Terroirs », 16 a viz Here 2002, 140 p. (ISBN 978-2-95144417-1)
  • (fr) "Quand les bretons passent à table : Manières de boire et de manger en Bretagne, 19e-20e siècle", Editions Apogée, kevredigezh Buhez, levr an diskouezadeg, 1994
  • (br) (fr) "Quand les Bretons passent à table, Kanomp ouzh taol", pladenn kanoù da evañ ha da zebrin, Tradition vivante de Bretagne 2, embannet gant Dastum e 1994

Pennadoù kar[kemmañ | kemmañ ar vammenn]

Daveoù[kemmañ | kemmañ ar vammenn]

  1. E Breizh ha Normandi en em astenn Bae Menez-Mikael-ar-Mor.
  2. Ijinet e voe e 1977 e Kiberen gant ar pastezer Henri Le Roux.


Porched Breizh – Adkavit pennadoù ha rummadoù Wikipedia a denn da Vreizh.