Karv kuch

Eus Wikipedia
Mont da : merdeiñ, klask
Karv kuch
Tufteddeer-2.jpg
Rummatadur klasel
Riezad : Loened
Skourrad : Chordata
Kevrennad : Mammalia
Urzhiad : Artiodactyla
Isurzhiad : Ruminantia
Kerentiad : Cervidae
Genad : Elaphodus
Anv skiantel
Elaphodus cephalophus
Milne-Edwards, 1872
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Ar c'harv kuch (Elaphodus cephalophus) a zo ur c'harv bihan hag a vev e Sina ha Myanmar. Ar spesad nemetañ eo er genad Elaphodus.

Doareoù pennañ[kemmañ]

Tennañ a ra ar c'harv kuch d'ar muntjak. Etre 17 ha 50 kg eo e bouez, 110 ha 160 cm e hirder (gant ul lost etre 7 ha 16 cm), ha war-dro 60 cm e vent (live e skoaz).

Gris-teñval pe gell eo e vlevenn ha gwenn e gof, e lapennoù, beg e zivskouarn ha dindan e lost. Dont a ra e anv eus ar guchenn vlev war e dal hag a c'hell kuzhat kerniel bihan ar par.

N'eus rakdant ebet en e veg met dent-lagad hir heñvel ouzh stilhonoù.

Pa vez ganet ar menn-karv ez eus div renkennad pikoù war e gein a bep tu d'e livenn-gein. Steuziañ a reont kuit gant an amzer.

Gouennañ[kemmañ]

Gouennañ a ra e fin an diskar-amzer ha penn kentañ ar goañv ha ganet e vez ur menn pe zaou en hañv goude un dougen 180 deiz.

Dont a ra d'e oad gour etre 1.5 ha 2 vloaz.

Emzalc'h[kemmañ]

An aliesañ e vev ar c'harv-kuch en e-unan hag a-wechoù a-goubladoù. Harzhal a ra pa vez nec'het a-benn kelaouiñ ar c'hirvi all.

Oberiant eo dreist-holl e fin an deiz ha diouzh an noz.

Boued[kemmañ]

En em vagañ a ra diwar delioù, briñsennoù, frouezh ha geot.

Annez[kemmañ]

Bevañ a ra e rannvroioù koadek, etre 300 ha 4600 metr a-us live ar mor.