Karl V an Impalaeriezh Santel
- Ur pennad Carlos Iañ zo ivez.
- Ur pennad Karl V zo ivez.
Karl Aostria, pe Karl Habsburg, anavezet evel Karl Pemp pe Charlez Pemp (Charles Quint gant ar C'hallaoued), pe evel Carlos Primero e spagnoleg, ganet d'ar 25 a viz C'hwevrer 1500 e Gent, en Izelvroioù, ha marvet d'an 21 a viz Gwengolo 1558 e manati Yuste e Spagn, a voe roue Spagn hag Amerika spagnol dindan an anv a g-Carlos Iañ Spagn, eus 1516 da 1556, roue Sikilia dindan an anv a g-Carlo IV (1516-1558), ha kentañ roue a unvanas rouantelezhioù Kastilla, Aragon ha Navarra, ha dug Brabant evel Charlez II Brabant (1515-1558), Impalaer Santel German (1519-1555) evel Karl V Alamagn. Breur e oa da Ferdinant Iañ an Impalaeriezh Santel a voe impalaer war e lerc'h.
Taolenn |
[kemmañ] Buhez
[kemmañ] Yaouankiz
.jpg)
Betek 1517 e voe savet en Izelvroioù Bourgogn, ha skoliet gant Guillaume de Croÿ, aotrou Chièvres, ha goude gant Adrian VI, hag e voereb an arc'hdugez Marc'harid Aostria .
E 1506,pa varvas e dad Fulup Iañ Kastilha e voe legadet dezhañ Izelvroioù Bourgogn, ha Franche-Comté.
En 1516, pa varvas e dad-kozh a-berzh e vamm Ferdinant II Aragon, e teuas da vout roue Kastilha, war un dro gant e vamm Juana de Castilla (lesanvet Janed ar Follez), hag e teuas dezhañ ivez rouantelezh Aragon, Navarra Uhel, Proviñs Granada, Naplez, Sikilia, Sardinia, Inizi Balearez, Malta, hag an holl zouaroù a oa da Spagn en Amerika.
En 1519, pa varvas e dad-kozh Masimilian Iañ an Impalaeriezh Santel, e tegouezhas dezhañ douaroù Habsbourged Aostria ha dilennet e voe da Impalaer Santel Roman German, goude keveziñ gant Frañsez Iañ (Bro-C'hall).
[kemmañ] Carlos Iañ ar Spagnoù
Karl, pe Carlos e Spagn, a voe lakaet kurunenn Kastilha war e benn e Cortes Valladolid en 1518. Hogen divizoù a voe lakaet:
- Deskiñ kastilhaneg: desket e oa bet e galleg;
- Difennet outañ reiñ kargoù d'an estrenien ;
- Difennet kas e-maez ar vro metaloù prizius deuet eus an Amerikaoù;
- Kemer preder gant doujañs ouzh e vamm, Janed Iañ Kastilha, a oa bac'het e Tordesillas.
Gant kurunidigezh Carlos e krogas renerezh Tiegezh Habsburg e Spagn : padout a ray betek 1700 pa zegouezhas an Tiegezh Bourbon er vro. En 1518 e voe roet dezhañ kurunenn Aragon e Zaragoza. Eñ eo ar roue kentañ a unvanas an div gurunenn.
Bec'h en doa Carlos avat en e rouantelezh nevez en deroù. Entre 1520 ha 1521 e voe un emsavadeg en Kastilha ma nac'he an dud gwelout ur rejant flamank Adrien d'Utrecht o tont gant e lez Flamanked.
[kemmañ] Danvez
- (es) Ar pennad es:Carlos I de España er wikipedia spagnek.
[kemmañ] Liammoù diavaez
[kemmañ] Pennadoù kar
[kemmañ] Notennoù
