Karia

• Ur pennad Caria zo ivez.

Karia, en Azia Vihanañ.

Restr:Caria.svg

Kêrioù Karia

Karia (Καρία e gregach, Karya e turkeg ) a oa ur vro gozh , pe ur broviñs, e mervent Azia Vihanañ, etre Likia er reter, Frigia en hanternoz, Lidia er c'hornôg, ha Mor Egea er c'hreisteiz .

Hervez Herodotos e oa Minoiz a orin e oa tud Karia. Tud Karia avat a lavare e oant tud eus Anatolia aet da voraerien hag e oant kerent d'ar Vysianed ha da dud Lidia.

Hellened Ionia ha Doria eo a drevadennas ar c'hornôg anezhi hag en em veskas gant tud Karia evit sevel stadoù hellen nevez, eno zouez kêrioù Knidos, pe Halikarnassos. Karianed a veze graet eus an dud orin degouezhet er vro a-raok an Hellened.

Pa deuas ar Bersed e voe savet ur satrapiezh ganto. Ar satraped avat a em zalc'he evel rouaned, evel Mausolos pe e wreg Artemisia II . Gant an impalaeriezh roman e oa ur broviñs roman en Azia.

Yezh

Ur yezh anatolek a gomze ar Garianed.

Kêrioù

• Mylasa (Milas)
• Tralles (Aydın)
• Alabanda
• Alinda
• Amyzon
• Nysa
• Orthosia
• Piginda
• Halikarnassos
• Knidos

Tud

• Herodotos,
• Mausolos, satrap Karia er IVvet kantved kent JK
• Artemisia II, c'hoar ha pried da Mausolos, satrapez Karia etre 352 ha 350 kent JK
• Ada Karia, c'hoar da Mausolos ha satrapez Karia e 344 kent JK
• Mélancomas Karia, dornataer, trec'h e meur a emgann hep skeiñ taol ebet .