Jutland

Eus Wikipedia
Mont da : merdeiñ, klask
Ledenez Jutland
Tour-tan Rubjerg Knude e Jutland.

Jutland (Jylland e daneg, Jütland en alamaneg) zo ul ledenez etre ar Mor Baltel ha Mor an Hanternoz. Mont a ra d'ober ul lodenn vras eus Danmark (al lodenn gevandirel anezhañ) ha lodenn hanternosañ Schleswig-Holstein en Alamagn. En hanternoz d'al ledenez emañ ar Skagerrak, er biz ar c'h-Kattegat hag er reter inizi Danmark er Mor Baltel.

Plaen a-walc'h eo ar rannvro, gant torgennoù izel ha taouarc'hegi. En em ledañ a ra war 29 775 km2 hag annezet eo gant 2 491 852 den (e 2004).

Al lodenn greisteiz anezhi, zo e hanternoz Schleswig-Holstein, zo bet tro-ha-tro e dalc'h Alamagn pe Danmark a-hed ar c'hantvedoù. Ar wech diwezhañ ma voe ur c'hemm beli a voe war-lerc'h ar Brezel Bed Kentañ, pa voe staget hanternoz Schleswig ouzh Danmark goude ur vouezhiadeg.

Dont a ra an anv Jutland eus anv ar Juted, ur bobl c'herman a oa o vevañ eno er Vvet kantved.