Jean Fréour
Eus Wikipedia
Jean Fréour a zo ur c'hizeller breizhat hag a oa ganet e Naoned e 1919 ha marv d'an 10 a viz Mezheven 2010. Studiet en deus e Skol an Arzoù-kaer Bourdel hag e Skol an Arzoù-kaer Pariz e 1936.
Ezel eo bet eus an emsav arzel Ar Seiz Breur. Bet eo e-pad ur vloavezh e Casa de Velázquez e 1952 e Madrid. E-pad ar bloavezhioù 1950 en deus annezet e Bourc'h-Baz. Maer ar gêr-se e voe e-pad ur bloaz.
Jean Fréour a implij meur a zanvez gant e labour : skilt, marmor, onyx, arem ha koad. E awen a dalc'h identelezh e vro hag ar feiz katolik.
Kavet e vez e gizelladurioù e Breizh, e Belgia, en Enez-Frañs hag en Afrika.
Taolenn |
[kemmañ] Kizelladurioù
- ur Sant Erwan (e derv, 1941-1942)
- ur c'halvar e Créviac, Nozieg (1944)
- ur Pastor Mat evit iliz Bolvronn (war-lec'h 1955)
- ur C'hrist evit Iliz Santez-Tereza (Naoned)
- noazhennoù ha hanterskeudennoù a raok 1983
- delwenn Markiz ar Roueri e Felger
- delwenn Pierre Bouguer e porzh ar Groazig
- Anna Vreizh (aremenn evit kêr Naoned e 2002) e-kichen Kastell Duged Breizh. Ar savadur-se a dalv hervez an oberour « la réalité de l'appartenance culturelle et historique de Nantes à la Bretagne ». Dilhadoù peisant zo dindani evit diskouez e oa tost d'ar bobl.
[kemmañ] Enorioù
E 1995 e voe roet Kolier an Erminig dezhañ en abeg d'e labour evit Breizh.
[kemmañ] Levrlennadur
- Alcime Bachelier, Jean Guéhenneuc ha Jean Fréour : Bouvron, son histoire, son église, ses vieilles croix, par le chanoine Bachelier, l’abbé Guéhenneuc et M. Fréour, Naoned, Chantreau et Cie, war-dro 1970.
- Jean Fréour : Sculpture: nus et bustes, raklavar gant Yves Cosson, buhezskrid gant Michel Maison, displegadenn gant Jacques Raux, Trelier, 1983.
- Véronique Daboust, Fréour ou Le chant de la sculpture: exposition, Pariz, Ti-kêr ar XVIvet arondisamant, 6-21 C'hwevrer 2004, aozet gant Paris beauté culture. (ISBN 2-9521156-0-5)
[kemmañ] Liammoù diavez
- Delwenn arem Anna Vreizh (e galleg)
- Monumant da soudarded ar Brezel Bed Kentañ e bered Sant Charlez e Potyze (e saozneg)
