Jagwarundi
|
|||||
|---|---|---|---|---|---|
 |
|||||
| Rummatadur klasel | |||||
| Riezad : | Loened | ||||
| Skourrad : | Chordata | ||||
| Kevrennad : | Mammalia | ||||
| Urzhiad : | Carnivora | ||||
| Kerentiad : | Felidae | ||||
| Genad : | Puma | ||||
| Anv skiantel | |||||
| Puma yagouaroundi Saint-Hilaire, 1803 |
|||||
|
|||||
Ar jagwarundi (Puma yagouaroundi pe Herpailurus yagouaroundi) a zo ur bronneg krenn e vent a vev e Kreizamerika hag en Amerika ar Su. 65 cm eo hirder e gorf ha 45 cm hini e lost. Berr eo e bavioù. Divskouarn berr ha ront en deus ha liv e vlevenn a c'hell mont eus gris da c'hell-du hervez an hiniennoù. Studiadennoù diwar e c'henoù o deus diskouezet eo ar jagwarundi kar d'ar puma.
Er strouezhegoù ha tost eus an dour e vev dreist-holl, met un nebeud loened zo er c'hoadegoù trovanel ivez. Un aneval noz pe peuznoz eo. Chaseal a ra war an douar zoken m'eo ampart da bignat er gwez. Debriñ a ra pesked, bronneged bihan ha stlejviled.
Goude bezañ douget he re vihan e-pad 70 devezh, e c'han ar barez etre unan ha pevar c'hazhig. En o oad gour e vezont goude daou vloaz.
Isspesadoù [kemmañ]
- Herpailurus yaguarondi armeghinoi, Arc'hantina ar c'hornôg
- Herpailurus yaguarondi cacomitli, Su Teksas ha reter Mec'hiko
- Herpailurus yaguarondi eyra, Brazil, Paraguay ha Arc'hantina
- Herpailurus yaguarondi fossata, Kreisteiz Mec'hiko ha Honduras
- Herpailurus yaguarondi melantho, Perou ha Brazil
- Herpailurus yaguarondi panamensis, Nicaragua hag Ecuador
- Herpailurus yaguarondi tolteca, Arizona ha kornôg Mec'hiko
- Herpailurus yaguarondi yagouaroundi, Guyana hag Amazonia
