Jafrez V

Ur pennad Jafrez zo ivez.

Jafrez V, kont Anjev

Jafrez V, lesanvet le Bel pe Plantagenêt (1113–1151 Château-du-Loir), a oa kont Anjev, Maine ha Touraine (1129-1151), dug Normandi (1144-1151). Tad e oa da Herri II, roue Bro-Saoz. Lesanvet e voe Plantagenêt abalamour ma ouie lakaat un tamm banal ouzh e dog.

Ganet e oa er Mañs. Mab e oa da Foulk V († 1143), a oa kont Anjev ha roue Jeruzalem, eus un tiegezh frank, an Ingelgeridi, ha da Erembourge du Maine († 1126), pennhêrez Maine.

Gant ur seziz tri miz e teuas a-benn da gemer kastell Fauguernon e Normandi e 1147.

Dimezet e oa da Matilda Bro-Saoz e Mezheven 1128, er Mañs, ha tri mab o doe :

1. Herri (1133-1189), a vo kont Anjev, Maine ha Poitev, dug Normandi ha Akitania, roue Bro-Saoz ;
2. Jafrez (1134-1158), a vo kont Anjev, Maine ha Naoned ;
3. Guillaume (1136-1164), beskont Dieppe.