Inkscape

Eus Wikipedia
Mont da : merdeiñ, klask
Inkscape
Inkscape

Inkscape
Inkscape e brezhoneg

Diorroer : Inkscape.org
Stumm diwezhañ : 0.48.4-1 / 8 a viz Ebrel 2013
Endro : Lies-savenn
Doare : Embanner skeudennoù sturiadel SVG
Aotre-implijout : GNU General Public License
Lec'hienn : http://www.inkscape.org

Inkscape a zo ur meziant embanner skeudennoù sturiadel dindan aotre GPL. E bal a zo dont da vezañ ur poellad embann skeudennoù galloudus, o vezan war an dro kenglotus gant skouerioù XML, SVG ha CSS ar W3C.

Ur poellad lies-savenn eo, a zo tu kaout evit Microsoft Windows, Mac OS X (dindan X11), Linux ha FreeBSD.


Istor[kemmañ]

Tresadenn evit brudañ Inkscape 0.44

Diorroadur Inkscape en deus kroget e 2003, war diazez ur fork eus ar raktres Sodipodi, hag a zo ur fork eus Gill, ur poellad savet gant Raph Levien evit GNOME.

Inkscape a zo tremenet eus ar yezh programmiñ C (yezh programmiñ) d'ar C++, ha deus bindingoù C++ da levraoueg grafek GTK+ (Gtkmm). Kemmoù zo bet ivez e live an etrefas implijer ha arc'hwelloù nevez zo bet lakaet (an diorroadur a zo aktivel-tre).

Goude diskleriadur Xara e vefe lakaet e kod da vezañ frank evit ar poellad tresañ sturiadel Xara Xtreme, ur c'hoant labourat a zo bet etre an daou skipailh hag ur c'henlabour a zo bet kroget. An daou poellad a eskemm neuze o c'hod hag a gendeuz o strivoù gant ar pal tizhout live ar poelladoù kenwerzhel.

Arc'hwelladurioù[kemmañ]

Krouiñ objedoù[kemmañ]

  • Tresañ :
    • Tresañ linennoù gant an dorn,
    • Tresañ kromennoù Bezier (poent a poent pe gant an dorn) ha segmantoù eeunennoù,
    • Tresañ linennoù kalligrafiezh gant ur bluenn
  • Lunoù :
  • Ostilh testenn (plas, tuadur, font...) ;
  • Liamm, enborzhiadur ha sturiadur skeudennoù matrisiek ;
  • Klonoù (objedoù kopiet gant treuzfurmadur dinamek) ;
  • Krouadur dre leuniadur etre hentoù.

Merañ objedoù[kemmañ]

  • Treuzfurmadurioù afinel (treuzlatadur, simetriezh, admentadur, treiñ, distumadur), en un doare etreoberiant pe dre enbarzhiadur talvoudoù ;
  • Renkañ dre enpiladur kalkoù, strolladoù hag objedoù (z-order) ;
  • Strolladur hierarchek an objedoù hag ar strolladoù ;
  • Sistem kalkoù ;
  • Kopiañ/Pegañ objedoù ;
  • Steudadur ha rannadur objedoù, lakaat war ur gael, dasparzh objedoù ;
  • Gaelioù.

Leuniadur ha trohedoù[kemmañ]

  • Diuzer livioù (RVB, TLS, CMYK, rod) ;
  • Pipetenn livioù ;
  • Kopiañ/Pegañ stil an objedoù ;
  • Leuniadur dre pladañ livioù, dereziadoù, gwiadezh ha tresoù, gant kanol alfa ;
  • Embann dereziadoù livioù gant dornadoù kontroll ;
  • Embann dereziadoù (linenel ha radiel) ;
  • Trohedoù poentigoù ha "merkerien" (objedoù SVG oc'h en em pegan d'an neudennoù ha da beg ar c'hommennoù)

Liammoù diavaez[kemmañ]

Inkscape war lec'hienn an Drouizig