Imbourc'h

Imbourc'h zo ur gelaouenn bet savet e 1969 gant Youenn Olier, deuet da vezañ un ti-embann goude. Abaoe 2001 e vez meret an embannadurioù gant Emglev An Tiegezhioù.

Levrioù a denn d'ar relijion gatolik a vez embannet dreist-holl. Daou romant skiant-faltazi hir savet gant Youenn Olier, gant amkanioù prederouriezhel e liamm gant istor an Emsav, a zo bet moulet : Porzh an Ifern hag Enez ar Vertuz. Embann a ra a-hent-all Kannadig Imbourc'h, kelaouenn daouviziek Emglev An Tiegezhioù, dezhi ur spered broadelour ha katolik.